نہر سے بحر تک آزاد ہوگا فلسطین: اسپین کی نائب وزیر اعظم

?️ 25 مئی 2024

سچ خبریں: اسپین کی نائب وزیر اعظم نے اس بات پر زور دیا کہ مادرید کے فلسطین کو تسلیم کرنے کے بعد، فلسطین کی مکمل حمایت جاری رہے گی۔

اناطولیہ نیوز ایجنسی کی رپورٹ کے مطابق اسپین کی نائب وزیر اعظم یولاندا دیاز نے مادرید کے آزاد فلسطین کو تسلیم کرنے کے بعد ایک ویڈیو بیان میں اپنی مکمل حمایت کا اعلان کیا۔

یہ بھی پڑھیں: کیا فلسطین کی آزاد ریاست کو تسلیم کیا جائے گا؟

دیاز نے اس ویڈیو میں فلسطینیوں کے علامتی نعرے کو دہراتے ہوئے کہا کہ نہر سے بحر تک، فلسطین آزاد ہوگا۔

اسپین کے وزیر اعظم پدرو سانچیز نے فلسطین کو تسلیم کرنے کے بعد زور دیا کہ دوسرے یورپی ممالک بھی اسپین کی پیروی کریں گے،انہوں نے کہا کہ جتنے زیادہ ممالک اس عمل میں شامل ہوں گے، اتنی ہی جلد جنگ بندی ممکن ہوگی، ہم ہار نہیں مانیں گے۔

گزشتہ بدھ کو اسرائیلی حکومت نے اسپین، ناروے اور آئرلینڈ کے فلسطین کو تسلیم کرنے کے فیصلے کے ردعمل کا اظہار کرتے ہوئے اپنے سفیروں کو ان تین ممالک سے واپس بلانے کا حکم دیا۔

اسرائیل کے وزیر خارجہ، یسرائیل کاتس نے اپنا ردعمل دیتے ہوئے کہا کہ آج کا فیصلہ فلسطینیوں اور پوری دنیا کو ایک پیغام دیتا ہے؛ دہشت گردی کو جواب دیے بغیر نہیں چھوڑا جائے گا، ان ممالک نے (حماس کے 7 اکتوبر کے بڑے حملے کے بعد) فلسطین کو تسلیم کر کے حماس کو انعام دینے کا فیصلہ کیا ہے۔

کاتس کا بیان ایسے وقت میں سامنے آیا ہے جب اسرائیلی حکومت نے حماس کے آپریشن طوفان الاقصی کے جواب میں 7 اکتوبر 2023 سے غزہ پٹی پر وحشیانہ حملے جاری رکھے ہوئے ہیں، اس جنگ کے آغاز سے اب تک تقریباً 36 ہزار فلسطینی جن میں زیادہ تر خواتین اور بچے شامل ہیں، شہید ہو چکے ہیں۔

مزید پڑھیں: صیہونی فلسطینی آزاد ریاست کیوں نہیں بننے دے رہے؟نیتن یاہو کی زبانی

درایں اثنا جنوبی افریقہ کی شکایت پر بین الاقوامی عدالت انصاف نے اسرائیل کے خلاف نسل کشی کا مقدمہ کھولا ہے، اس کے علاوہ، انٹرنیشنل کریمنل کورٹ (لاہہ) بھی اسرائیلی وزیر اعظم بنیامین نتانیاہو کی گرفتاری کے وارنٹ جاری کرنے کی درخواست پر غور کر رہی ہے۔