جنگ یا دباؤ کے باوجود نیتن یاہو کی پیشی ملتوی نہیں ہوگی؛صیہونی مشیر کا اعلان

سچ خبریں:امریکی صدر ڈونلڈ ٹرمپ کے شدید دباؤ اور اسرائیل کو امداد بند کرنے کی دھمکیوں کے باوجود، صیہونی کابینہ کی مشاورِ قانونی گالی بہاراف میارا نے واضح کر دیا کہ نیتن یاہو کے خلاف بدعنوانی کے مقدمات کی سماعت ملتوی نہیں ہو گی۔

باوجود اس کے کہ امریکہ کے سابق صدر ڈونلڈ ٹرمپ نے اسرائیل پر شدید دباؤ ڈالا ہے کہ وزیرِ اعظم بن یامین نیتن یاہو کے خلاف جاری بدعنوانی کے مقدمات کو روک دیا جائے، اسرائیلی عدلیہ نے اس مطالبے کو رد کر دیا ہے۔

یہ بھی پڑھیں:ٹرمپ کا نیتن یاہو پر غزہ جنگ بند کرنے کے لیے دباؤ 

قدس نیوز چینل کی رپورٹ کے مطابق اسرائیلی کابینہ کی مشاورِ حقوقی گالی بہاراف میارا نے صراحت کے ساتھ ملک کی سپریم کورٹ کو آگاہ کیا ہے کہ نیتن یاہو کے خلاف جاری بدعنوانی کے مقدمات جنگی حالات میں بھی تاخیر کا شکار نہیں ہوں گے۔

رپورٹ کے مطابق، ٹرمپ نے نیتن یاہو کے کہنے پر ان مقدمات کو رکوانے کے لیے مداخلت کی اور حتیٰ کہ اسرائیل کو دی جانے والی امریکی امداد بند کرنے کی دھمکی بھی دی۔ ٹرمپ نے نیتن یاہو کی غیر منطقی حد تک وکالت کرتے ہوئے کہا کہ اگر ان کا محاکمہ ختم نہ کیا گیا، تو امریکہ کو اسرائیل کی عسکری امداد پر نظرِ ثانی کرنی پڑ سکتی ہے،تاہم، ٹرمپ نے غزہ اور فلسطین کے عوام پر جاری مظالم اور ان کی بدترین صورتحال کا کوئی ذکر نہیں کیا—حالانکہ ان حالات کا اصل ذمہ دار خود نیتن یاہو ہے۔

مزید پڑھیں:ایرانیوں نے امریکہ اور اسرائیل کا بھرم کیسے ختم کیا؟

ٹرمپ نے دعویٰ کیا کہ نیتن یاہو ایک نہایت نازک صورتحال سے گزر رہے ہیں، اور یہ محاکمہ اُن کے ایران اور حماس کے ساتھ جاری مذاکراتی امور میں ایک بڑی رکاوٹ ہے،انہوں نے مزید کہا کہ نیتن یاہو کے کاندھوں پر عظیم مشن ہیں، جن پر توجہ دینے کی ضرورت ہے۔ اس وقت اُن کے خلاف جاری محاکمہ ایک سیاسی تماشا بن چکا ہے، جو ایران اور حماس سے بات چیت کے عمل سے تضاد رکھتا ہے۔