نیتن یاہو اقتدار کی خاطر غزہ جنگ کو طول دے رہے ہیں؛امریکی میڈیا 

نیتن یاہو اقتدار کی خاطر غزہ جنگ کو طول دے رہے ہیں؛امریکی میڈیا 

?️

سچ خبریں:امریکی جریدے نیویارک ٹائمز نے اپنی تازہ رپورٹ میں انکشاف کیا ہے کہ اسرائیلی وزیراعظم بنیامین نیتن یاہو اپنی سیاسی بقا کے لیے غزہ میں جنگ کو جان بوجھ کر طول دے رہے ہیں،رپورٹ کے مطابق نیتن یاہو اپریل 2024 میں جنگ بندی پر راضی ہو سکتے تھے، مگر انہوں نے اقتدار بچانے کی خاطر یہ موقع ضائع کر دیا۔

نیویارک ٹائمز نے اسرائیل، امریکہ اور عرب ممالک کے 110 سے زائد ذرائع سے گفتگو کے بعد یہ رپورٹ مرتب کی ہے، رپورٹ میں کہا گیا کہ نیتن یاہو نے اپنے انتہا پسند دائیں بازو کے اتحادیوں کے دباؤ میں اہم لمحات پر مذاکرات کو سست کر دیا، جب کہ حماس سمیت فلسطینی مزاحمتی گروہ جنگ بندی پر آمادہ تھے۔
 حتیٰ کہ جب اسرائیلی اعلیٰ عہدیدار جنگ کے جاری رہنے کو ضروری نہیں سمجھتے تھے، تب بھی نیتن یاہو نے جنگ جاری رکھنے پر اصرار کیا۔ جب بالآخر جنوری 2025 میں فریقین نے جنگ بندی پر اتفاق کیا تو نیتن یاہو نے مارچ میں اس معاہدے کی خلاف ورزی کی تاکہ دائیں بازو کے اتحادیوں کی ناراضی سے بچ سکیں۔
رپورٹ کے مطابق اس پالیسی کی بھاری قیمت چکانی پڑی۔ غزہ میں جنگ ختم نہ کرنے کی ضد نے ہزاروں فلسطینیوں کی جان لے لی، متعدد اسرائیلی قیدی زندہ واپس نہ آ سکے، اسرائیلی معاشرے میں اختلافات بڑھ گئے، سعودی عرب کے ساتھ تعلقات معمول پر لانے کا عمل متاثر ہوا اور عالمی سطح پر اسرائیل کی ساکھ کو شدید نقصان پہنچا۔
رپورٹ میں مزید کہا گیا کہ اس پالیسی کے نتیجے میں نیتن یاہو نے اپنی اقتدار پر گرفت مضبوط رکھی، انہوں نے 7 اکتوبر 2023 کے حماس حملے کی آزادانہ تحقیقات رکوا دیں جو اُن کی ناکامی کو ظاہر کر سکتی تھیں، اپنے سیاسی اتحاد کو مضبوط کیا اور ایران کے خلاف جارحانہ کارروائیاں منظم کیں۔
نیویارک ٹائمز نے نتیجہ اخذ کیا کہ اب خود نیتن یاہو کے سب سے وفادار حامی بھی اعتراف کرتے ہیں کہ جنگ کے جاری رہنے نے وزیراعظم کو اقتدار میں رہنے کا موقع فراہم کیا۔
واضح رہے کہ 7 اکتوبر 2023 سے جاری اسرائیلی جارحیت کے باعث غزہ میں اب تک 57 ہزار سے زائد فلسطینی شہید اور دسیوں ہزار زخمی ہو چکے ہیں، اس جنگ نے نہ صرف غزہ کے انفراسٹرکچر کو تباہ کر دیا، بلکہ ہسپتالوں، اسکولوں اور پانی و بجلی کے نیٹ ورک کو بھی شدید نقصان پہنچایا، لاکھوں فلسطینی بے گھر، شدید غذائی قلت اور بے مثال انسانی بحران کا شکار ہیں۔
غزہ سے سامنے آنے والی تصاویر تباہ شدہ رہائشی علاقوں، امدادی اشیاء کی لمبی قطاروں اور ادویات و ایندھن کی کمی کے سبب ناکارہ ہسپتالوں کی عکاسی کرتی ہیں۔
دسمبر 2024/جنوری 2025) میں فریقین میں جنگ بندی اور اسرا کے تبادلے پر اتفاق ہوا، تاہم اسرائیل نے معاہدے کی خلاف ورزی کرتے ہوئے دوبارہ بڑے پیمانے پر حملے شروع کر دیے ہیں، جس سے شہداء کی تعداد میں تیزی سے اضافہ ہو رہا ہے۔
امریکی جریدے نیویارک ٹائمز کی رپورٹ کے مطابق اسرائیلی وزیراعظم نیتن یاہو نے اپنی سیاسی بقا کے لیے غزہ کی جنگ کو جان بوجھ کر طول دیا، جس سے ہزاروں فلسطینی شہید اور اسرائیل کی ساکھ بری طرح متاثر ہوئی۔

مشہور خبریں۔

ایٹمی شعبے کے فوجی نظریے میں تبدیلی کا امکان ہے: خرازی

?️ 2 نومبر 2024سچ خبریں: سینئر ایرانی سفارت کار کمال خرازی نے لبنان کے المیادین

اس ملک کو آگے لے جانے کا الیکشن کے علاوہ کوئی حل نہیں ہے:شیخ رشید

?️ 2 اپریل 2022اسلام آباد(سچ خبریں)وزیر داخلہ شیخ رشید احمد نے اسلام آباد میں پریس

صیہونیوں کا غزہ جنگ بندی معاملے میں نیا فریبی منصوبہ

?️ 29 اپریل 2025سچ خبریں: حالیہ صورتحال میں صیہونی حکومت غزہ میں جنگ بندی کے عمل

فواد چوہدری نے الیکشن کمیشن سے ایک ماہ کی مہلت مانگی

?️ 24 ستمبر 2021اسلام آباد (سچ خبریں) تفصیلات کے مطابق وفاقی وزراء فواد چوہدری اور

دنیا کے ممالک اسرائیل پر پابندیاں عائد کریں: اقوام متحدہ

?️ 4 جولائی 2025سچ خبریں: اقوام متحدہ کے غزہ کے خصوصی رپورٹر نے اعلان کیا

ایک کویتی شہری، ملک کے امیر پر تنقید کرنے پر گرفتار

?️ 10 جولائی 2024سچ خبریں: کویت کے جنرل پراسیکیوٹر آفس نے اس ملک کے ایک

صیہونی کرنسی کی قدر میں کمی 2016 کے بعد سے کم ترین سطح 

?️ 11 اکتوبر 2023سچ خبریں:فلسطینی مزاحمتی قوتوں اور صیہونی حکومت کے درمیان کشمکش کے جاری

These Things You Should Know Before Getting Lip Injections

?️ 2 ستمبر 2022Dropcap the popularization of the “ideal measure” has led to advice such

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے