نیتن یاہو وزارت عظمیٰ کے اہل نہیں: صیہونی سیاستداں

?️ 11 نومبر 2026

سچ خبریں:صہیونی پارلیمنٹ کے انتخابات میں بنیامین نیتن یاہو کے اہم حریف نے کہا کہ نیتن یاہو کا اقتدار میں برقرار رہنا اسرائیل کی سلامتی کو خطرے میں ڈال رہا ہے۔

گادی آیزنکوت نے بنیامین نیتن یاہو کی قیادت پر سوال اٹھاتے ہوئے کہا ہے کہ وہ وزارت عظمیٰ کے عہدے پر برقرار رہنے کے اہل نہیں۔ انہوں نے اپنی جماعت یاشار اور لیکوڈ پارٹی کے درمیان مذاکرات بھی منسوخ کر دیے ہیں۔

صہیونی حکومت کی پارلیمنٹ (کنیسٹ) کے انتخابات میں بنیامین نیتن یاہو کے اہم حریف گادی آیزنکوت نے کہا ہے کہ نیتن یاہو اپنے عہدے پر برقرار رہنے کی اہلیت نہیں رکھتے اور ملک میں ہنگامی حکومت تشکیل دینے کے لیے اقدامات کیے جانے چاہئیں۔

آیزنکوت نے مزید کہا کہ نیتن یاہو کا اقتدار میں برقرار رہنا اسرائیل کی سلامتی کو خطرے میں ڈال رہا ہے۔

عبرانی اخبار اسرائیل ہیوم کے مطابق، نیتن یاہو کی جانب سے کنیسٹ کے افتتاحی اجلاس میں خطاب کے بعد گادی آیزنکوت نے اپنی ٹیم کو ہدایت دی کہ لیکوڈ پارٹی کے ساتھ مذاکراتی اجلاس منسوخ کر دیا جائے، جو کل منعقد ہونا طے تھا۔

دوسری جانب صہیونی حکومت کے ٹیلی ویژن چینل ۱۴ نے بتایا ہے کہ صیہونی وزیر اعظم بنیامین نیتن یاہو، یاشار پارٹی کے سربراہ اور اپنے اہم انتخابی حریف گادی آیزنکوت کے ساتھ وزارت عظمیٰ کی باری باری سربراہی کے معاہدے کے امکان کا جائزہ لے رہے ہیں۔

اس صہیونی میڈیا رپورٹ کے مطابق، نام نہاد اتحاد کی حکومت تشکیل دینے کے لیے رابطوں اور مشاورت کا سلسلہ بدستور جاری ہے۔ آیزنکوت کے قریبی ساتھیوں اور ان کی مذاکراتی ٹیم کے ارکان کے ساتھ بھی بات چیت ہو رہی ہے۔

بظاہر نیتن یاہو موجودہ کنیسٹ کی سیاسی صورت حال کو مدنظر رکھتے ہوئے آیزنکوت کے ساتھ وزارت عظمیٰ کی باری باری ذمہ داری سنبھالنے کی تجویز کو سب سے زیادہ حقیقت پسندانہ اور قابل عمل راستہ سمجھتے ہیں۔