اگر حماس نے ہفتہ تک صہیونی قیدیوں کو آزاد نہ کیا تو غزہ میں جنگ بندی ختم ہو جائے گی :نیتن یاہو

سچ خبریں:صیہونی وزیراعظم بنیامین نیتن یاہو نے آج دعویٰ کیا کہ اگر حماس نے ہفتہ تک غزہ میں صہیونی قیدیوں کو آزاد نہ کیا تو غزہ میں جاری جنگ بندی کا خاتمہ ہو جائے گا۔ 

روئٹرز نیوز ایجنسی کی رپورٹ کے مطابق، صیہونی وزیراعظم بنیامین نیتن یاہو نے ایک ویڈیو بیان میں کہا کہ اگر حماس نے ہفتہ دوپہر تک اسرائیلی قیدیوں کو واپس نہیں کیا تو اسرائیلی فوج شدت سے لڑائی شروع کر دے گی تاکہ حماس کو شکست دی جا سکے۔

یہ بھی پڑھیں: کیا امریکہ غزہ کے پناہ گزینوں کو قبول کرے گا ؟

یہ بیان ایسے وقت میں سامنے آیا جب امریکی صدر ڈونلڈ ٹرمپ نے گزشتہ روز اردن اور مصر کو دھمکی دی تھی کہ اگر وہ فلسطینی پناہ گزینوں کو قبول نہیں کرتے تو ان ملکوں کی مالی امداد روک دی جائے گی۔

ٹرمپ نے کہا کہ اگر اسرائیلی قیدی آزاد نہیں ہوئے تو جہنم کے دروازے کھل جائیں گے اور حماس جلد ہی اس دھمکی کا نتیجہ دیکھے گی۔

مزید پڑھیں: امریکہ غزہ میں صیہونی حکومت کا جاسوس

 انہوں نے اسرائیل کے وزیراعظم نیتن یاہو کے ساتھ ہفتہ کو حتمی تاریخ مقرر کرنے کے بارے میں بات چیت کا امکان بھی ظاہر کیا۔