تل ابیب میں نیتن یاہو کی پالیسیوں کے خلاف وسیع مظاہرے

سچ خبریں:صہیونی ریاست کے دارالحکومت تل ابیب کے بہت سے شہریوں نے حماس کے ساتھ قیدیوں کے تبادلے، شاباک کے سربراہ اور کابینہ کے قانونی مشیر کی برطرفی کے خلاف مظاہرہ کیا۔

یہ بھی پڑھیں:کیا مقبوضہ علاقوں میں مظاہرے اقتصادی رنگ اختیار کریں گے ؟

الجزیرہ نیوز چینل کی رپورٹ کے مطابق، مقبوضہ فلسطین کے باشندوں اور خاص طور پر صہیونی ریاست کے دارالحکومت تل اویو کے رہائشیوں نے آج رات تل اویو کی سڑکوں پر ہونے والے مظاہرے میں بڑی تعداد میں شرکت کر کے صہیونی وزیر اعظم بنجمن نیتن یاہو کی پالیسیوں کے خلاف اپنا احتجاج ریکارڈ کروایا۔

مظاہرین نے قیدیوں کے تبادلے کا مطالبہ کیا اور شاباک کے سربراہ اور موجودہ صہیونی کابینہ کے قانونی مشیر کی برطرفی کو منسوخ کرنے کا مطالبہ کیا، جو نتانیاہو کی پالیسیوں کی مخالفت کرنے پر ان کے عہدوں سے ہٹا دیے گئے تھے۔

صہیونی قیدیوں میں سے ایک کی بیٹی نے مظاہرے کے دوران خطاب کرتے ہوئے نیتن یاہو کی کابینہ سے مطالبہ کیا کہ وہ اس کے والد کی لاش کو واپس لانے کے لیے صہیونی فوجیوں کی جانوں کو خطرے میں نہ ڈالیں اور تمام قیدیوں اور ہلاک شدہ قیدیوں کی لاشوں کو تبادلے کے ذریعے واپس لائیں۔

انہوں نے واضح کیا کہ اس سے پہلے بھی قیدیوں کو واپس لانے کے لیے فوجی کارروائیاں کی گئی ہیں، لیکن یہ کارروائیاں ناکام ہو گئی ہیں۔

مزید پڑھیں:تل ابیب میں نیتن یاہو مخالف مظاہرے

صہیونی ریاست کے چینل 12 نے بھی رپورٹ دی کہ ہزاروں افراد نے تل ابیب کے مرکز میں نیتن یاہو کے خلاف مظاہرے میں شرکت کی اور صہیونی ریاست کے وزارت دفاع کی طرف مارچ کیا۔