شہید سید حسن نصراللہ جاودان رہیں گے: یمن

?️ 1 اکتوبر 2025

سچ خبریں:یمن کی وزارت خارجہ نے کہا ہے کہ شہید سید حسن نصراللہ کی یاد ہمیشہ کائنات کے آزادمنش لوگوں کے دلوں میں باقی رہے گی

یمن کی وزارتِ خارجہ نے سید حسن نصراللہ اور سید ہاشم صفی‌الدین کی پہلی برسی کے موقع پر جاری کردہ بیان میں کہا کہ شہید سید حسن نصراللہ نے اپنی پوری زندگی صہیونی قبضے کے مقابلے اور امت اسلامی خصوصاً فلسطین کے دفاع کے لیے وقف کی، وہ ہمیشہ کائنات کے آزادمنش لوگوں کے دل و دماغ میں زندہ رہیں گے اور نسلوں کی یادداشت میں جاودان رہیں گے۔

یہ بھی پڑھیں:شہید نصراللہ نیو مڈل ایسٹ پروجیکٹ کے خاتمے کا سبب بنے: انصار اللہ 

وزارت خارجہ صنعاء نے زور دیا کہ یمنی عوام کبھی بھی سید حسن نصراللہ کی ان حمایتوں کو فراموش نہیں کریں گے جو انہوں نے یمن پر دشمن کی جارحیت کے پہلے دن سے کیں،یہ حمایت تاریخ کی درخشاں صفحات میں درج ہے،شہید نصراللہ کی یاد یمن کے ہر فرد کے دل میں زندہ ہے۔

بیان میں کہا گیا کہ حزب اللہ نے بے شمار قربانیاں دی ہیں مگر آج بھی مضبوطی سے کھڑا ہے،میدان کی شہادتیں اس بات کی گواہی دیتی ہیں کہ حزب اللہ پہلے سے زیادہ طاقتور ہوچکا ہے اور پرچمِ مقاومت ہمیشہ بلند رہے گا۔

مزید پڑھیں:شہید سید حسن نصر اللہ جغرافیائی اور دنیاوی حدود سے تجاوز کر گئے

یمن نے لبنانی عوام پر زور دیا کہ وہ اتحاد برقرار رکھیں اور اختلافات کو پسِ پشت ڈالیں کیونکہ لبنان کی قومی وحدت وہ مضبوط دیوار ہے جس کے سامنے تمام صہیونی سازشیں ناکام ہو جائیں گی۔