لاکھوں یمنیوں کا مارچ؛ ایرانی حملے کی حمایت

?️ 6 اکتوبر 2024

سچ خبریں: یمن میں "شہیدِوں سے وفاداری” کے عنوان سے تاریخی ملین مارچ کے دوران وعدہ صادق 2 کی کارروائی پر ایران کو مبارکباد پیش کی گئی اور فلسطین و لبنان کی مزاحمت کی مکمل حمایت کا اعادہ کیا گیا۔

المیادین نیوز چینل کی رپورٹ کے مطابق، لاکھوں یمنی عوام نے "شہیدِوں سے وفاداری” ، ” فتح تک غزہ اور لبنان کا ساتھ ” کے عنوان سے منعقدہ مارچ کیا اور مارچ کرنے والوں کی جانب سے ایک اعلامیہ جاری کیا گیا۔

یہ بھی پڑھیں: غزہ کی حمایت میں یمنی عوام کا انسانیت سوز طوفان

اس اعلامیہ میں اسلامی جمہوریہ ایران کی جانب سے صیہونی ریاست کی جارحیت کے جواب میں انجام دی جانے والے وعدہ صادق 2 کی کارروائی پر ایران کو مبارکباد پیش کی گئی اور فلسطین و لبنان کی مزاحمت کی مکمل حمایت کا اظہار کیا گیا۔

اعلامیہ میں صیہونیوں کو مخاطب کرتے ہوئے کہا گیا کہ اس کے لیے مزاحمت کا یہ ڈراؤنا خواب اسرائیل کی مکمل تباہی تک جاری رہے گا۔

اعلامیہ میں مزید کہا گیا کہ اے شہید اسلام اور انسانیت، ہم آپ سے عہد کرتے ہیں کہ جہاد کے راستے سے کبھی پیچھے نہیں ہٹیں گے، اور ہم آپ سے وہی وعدہ کرتے ہیں جو ہمارے حزب اللہ کے مجاہد بھائیوں نے آپ سے کیا تھا، جیسے آپ ہمیشہ ہمیں فتح کی خوشخبری دیتے تھے، ہم بھی آپ سے فتح کا وعدہ کرتے ہیں۔

ملین مارچ کے اعلامیہ میں وعدہ صادق 2 کی کارروائی کو سراہا گیا جس نے تمام فلسطینِ مقبوضہ کو نشانہ بنایا اور دشمن کی طاقت، برتری اور کنٹرول کے وہم کو نیست و نابود کر دیا۔

اعلامیہ میں کہا گیا کہ دشمن اور اس کا فضائی دفاع مکڑی کے جالے سے بھی زیادہ کمزور ہے۔

اعلامیہ میں مزید کہا گیا کہ طوفان الاقصی کی جنگ کو ایک سال ہونے جا رہا ہے ،ہم فلسطینی عوام اور ان کی مزاحمتی تحریک کے ساتھ اپنے عہد کی تجدید کرتے ہیں اور اعلان کرتے ہیں کہ ہم آپ کے ساتھ ہیں۔

مزید پڑھیں: یمنی عوام دوبارہ سڑکوں پر

آخر میں صیہونی یہودیوں کو مخاطب کرتے ہوئے کہا گیا کہ نصراللہ کا ڈراؤنا خواب تمہاری مکمل تباہی تک تمہارا پیچھا کرے گا۔