جو بائیڈن نے امریکا کو برباد کردیا ہے، ڈونلڈ ٹرمپ کا امریکی صدر پر شدید حملہ

?️ 12 جولائی 2021

واشنگٹن (سچ خبریں) سابق امریکی صدر ڈونلڈ ٹرمپ نے جو بائیڈن پر شدید حملہ کرتے ہوئے ڈالاس میں سی پی اے سی کانفرنس میں اپنے حامیوں سے خطاب کرتے ہوئے کہا کہ آپ سب کی مدد سے، ہم پھر سے بائیں بازو، سوشلسٹوں، مارکسسٹ اور نسل پرستوں کو شکست دیں گے اور امریکہ کو مزید مضبوط بنائیں گے۔

اسرائیل نیشنل نیوز کے مطابق، انہوں نے کہا کہ ہم امریکہ کی سرحدوں کو دوبارہ محفوظ بنائیں گے، آزادی رائے اور انتخاب کی آزادی کی دوبارہ بحال کریں گے اور امریکہ کو دوبارہ سے مضبوط اور طاقتور بنائیں گے۔

ڈونلڈ ٹرمپ نے ایک تقریر میں کہ جو، جو بائیڈن انتظامیہ پر حملوں سے بھرئی تھی کہا کہ تم کبھی بھی مجھ سے لڑنا نہیں چھوڑو گے اور میں بھی کبھی تمہارے ساتھ لڑنا نہیں چھوڑوں گا، یہ جنگ جاری رہے گی اور ایک دن تمہیں شکست دے کر رہوں گا۔

سابق امریکی صدر نے بائیڈن پر حملہ کرتے ہوئے مزید کہا کہ پچھلے کچھ مہینوں کے دوران، بائیڈن کے ماحول نے ہمارے ملک کو تباہی کے دہانے پر پہنچا دیا ہے، ہم نے ہزاروں مجرموں کو اپنے ملک سے ناکل باہر پھینکا اور 500 میل کی سرحد کی دیوار بنائی، لیکن اب بائیڈن انتظامیہ نے سرحدی حالات کو تبدیل کردیا ہے، اور یہ امریکی تاریخ کی سب سے بڑی تباہی کا حصہ ہے۔

انہوں نے 2020 کے صدارتی انتخابات کو جعلی انتخابات قرار دیتے ہوئے دعوی کیا کہ ہم نے الیکشن جیت لیا تھا لیکن انتخابات میں بڑے پیمانے پر دھاندلی کی گئی۔

واضح رہے کہ اس سے قبل بھی ڈونلڈ ٹرمپ نے صدراتی الیکشن کو فراڈ قرار دیتے ہوئے کہا تھا کہ ڈیموکریٹس اور میڈیا کی کرپشن کی اس سے بڑی کوئی مثال نہیں ہو سکتی ہے، ان کا کہنا تھا کہ اگر آپ سمھجتے ہیں کہ لوگ نہیں جانتے تو میں بتاؤں کہ لوگ سب جانتے ہیں۔

خبر رساں ایجنسی کے مطابق سابق امریکی صدر ڈونلڈ ٹرمپ نے 2024 میں ہونے والے صدارتی انتخابات میں حصہ لینے کا کہا تھا مگر اس حوالے سے کوئی حتمی اعلان نہیں کیا گیا۔