اسرائیل کا دفاعی نظام سنگین خطرے سے دوچار؛صہیونی اخبار کا انکشاف 

سچ خبریں:صیہونی اخبار نے انکشاف کیا کہ اسرائیل کے دفاعی نظام ہیٹس میں میزائلوں کی شدید کمی داخلی سلامتی کے لیے بڑا خطرہ بن چکی ہے۔ وزارت دفاع اور خزانہ کے درمیان بجٹ تنازعے نے صہیونی فوج کی جنگی تیاریوں کو متاثر کیا ہے۔

المسیرہ نیوز چینل کی رپورٹ کے مطابق صہیونی اخبار یدیعوت احرونٹ نے اپنی ایک رپورٹ میں انکشاف کیا ہے کہ اسرائیل کو داخلی سطح پر ایک سنگین اور بڑھتے ہوئے خطرے کا سامنا ہے، جو کہ اس کے اہم پدافندی نظام حیتس (Arrow) میں میزائلوں کی کمی سے متعلق ہے۔

یہ بھی پڑھیں:اسرائیل کا دفاعی نظام کیسے مفلوج ہوا؟ / صہیونی رژیم کے خلاف وسیع سائبر حملے کی تفصیلات

اخبار نے واضح کیا کہ حیتس دفاعی نظام میں میزائلوں کی شدید قلت ایک ایسا خطرہ بن چکی ہے جو اسرائیلی داخلی محاذ کو براہِ راست متاثر کر سکتا ہے، رپورٹ کے مطابق، ایک بیلسٹک میزائل کے کسی رہائشی علاقے سے ٹکرانے کی صورت میں کم از کم 300 ملین شیکل (اسرائیلی کرنسی) کا معاشی نقصان ہو سکتا ہے۔

عبری نیوز ویب سائٹ واینت نے اس سے قبل رپورٹ دی تھی کہ اسرائیلی وزارتِ خزانہ نے فوج کے لیے اضافی دفاعی بجٹ دینے سے انکار کر دیا ہے۔

 رپورٹ کے مطابق وزارتِ خزانہ نے 60 ارب شیکل کے اضافی بجٹ کی مخالفت کی ہے، جس کا مقصد ایران کے ساتھ حالیہ جنگ اور غزہ پر حملوں میں استعمال ہونے والی فوجی ساز و سامان کی فراہمی تھا۔

 وزارتِ خزانہ کا مؤقف ہے کہ ان اخراجات کو 2025 کے بجٹ میں شامل نہیں کیا گیا تھا،اس کے ساتھ ہی اس نے اسرائیلی وزارتِ جنگ پر فنڈز کے ضیاع کا الزام بھی عائد کیا ہے۔

یہ بجٹ تنازعہ ایسے وقت میں سامنے آیا ہے جب اسرائیل کو ایران اور غزہ کے ساتھ شدید جنگی حالات کا سامنا ہے۔ دفاعی ماہرین کا کہنا ہے کہ پدافندی نظام کی کمزوری اور وسائل کی عدم دستیابی اسرائیل کی مجموعی سلامتی کو خطرے میں ڈال سکتی ہے۔

مزید پڑھیں:ایرانی میزائلوں سے اسرائیل کا دفاعی نظام کو نقصان

اسرائیلی فوجی اور سیاسی نظام میں جاری اختلافات اور وسائل کی کمی، بالخصوص حیٹس جیسے اہم دفاعی نظام میں میزائلوں کی قلت، ایک ایسا سنگین خطرہ بن چکی ہے جو مستقبل میں تل ابیب کے لیے مہنگا ثابت ہو سکتا ہے۔