دنیا

لبنان میں صیہونی جاسوسی نظام بے نقاب

01
جون

?️ 1 جون 2025

سچ خبریں:لبنانی فوج نے جنوبی لبنان میں صیہونیوں کا ایک اور جاسوسی نظام دریافت اور تباہ کر دیا ہے، حالیہ کارروائی بیئر شعیب کے مقام پر ہوئی، جو صیہونیوں کی مسلسل جاسوسی کوششوں کا حصہ ہے۔

لبنان کی فوج نے اعلان کیا ہے کہ اس نے جنوبی لبنان میں ایک اسرائیلی جاسوسی سسٹم کو کشف اور تباہ کر دیا ہے، یہ کارروائی بیئر شُعَیب کے مقام پر انجام دی گئی، جو ملک کے جنوبی سرحدی علاقے میں واقع ہے۔

یہ بھی پڑھیں:یمنیوں کے سامنے صہیونیوں کی ناکامی؛ موساد کی مدد حاصل کرنے کی کوشش

یہ انکشاف لبنانی فوج کے جاری کردہ رسمی بیان میں کیا گیا، جس میں بتایا گیا کہ صہیونی قابض فوج کی جانب سے قائم کردہ 13 مٹی کی رکاوٹیں بھی بلیدا-مرجعیون کے علاقے میں ختم کی گئی ہیں۔

یہ جنوبی لبنان میں اسرائیل کے جاسوسی نظام کا دوسرا انکشاف ہے۔ اس سے قبل منگل کے روز بھی ایک اور اسرائیلی جاسوسی نظام کو لبنانی فوج نے تلاش کر کے تباہ کیا تھا۔

ماضی میں بھی اسرائیل نے جنوبی لبنان میں پتھروں میں چھپے سینسرز، کیمروں اور جاسوسی آلات نصب کیے تھے تاکہ لبنانی مزاحمتی گروہوں، خصوصاً حزب اللہ کی نقل و حرکت پر نظر رکھی جا سکے۔

لبنانی ذرائع کا کہنا ہے کہ یہ جاسوسی سرگرمیاں بین الاقوامی قوانین کی کھلی خلاف ورزی ہیں اور اسرائیل کی مسلسل دراندازی کی کوششوں کا حصہ ہیں، جس کا مقصد میدانی برتری حاصل کرنا اور حساس معلومات اکٹھی کرنا ہے۔

یہ مسلسل انکشافات ظاہر کرتے ہیں کہ اسرائیل لبنان کی خودمختاری کو چیلنج کر رہا ہے،لبنانی فوج کی بروقت کارروائیاں نہ صرف دشمن کی سازشوں کو ناکام بنا رہی ہیں بلکہ ملک کے دفاعی عزم کو بھی مضبوط بنا رہی ہیں۔

Short Link

Copied