ٹرمپ کے غزہ امن منصوبے پر صہیونی وزرا آمنے سامنے

?️ 28 ستمبر 2025

سچ خبریں:صہیونی وزرا کے درمیان ٹرمپ کے پیش کردہ منصوبے پر سخت اختلافات سامنے آ گئے ہیں، بعض وزرا غزہ پر مکمل قبضہ اور حماس کی نابودی چاہتے ہیں جبکہ دیگر جنگ کے فوری خاتمے کے حامی ہیں۔

میڈیا رپورٹس کے مطابق، صہیونی حکام کے درمیان ڈونالڈ ٹرمپ کے پیش کردہ منصوبے پر اختلافات مزید شدت اختیار کر گئے ہیں، یہ اختلافات ایسے وقت میں سامنے آئے ہیں جب صہیونی وزیراعظم بنیامین نیتن یاہو ٹرمپ سے ملاقات کرنے والے ہیں۔

یہ بھی پڑھین:موساد کے سابق سربراہ: نیتن یاہو 7 اکتوبر کی تباہی کے ذمہ دار ہیں

صہیونی وزیر خزانہ بتسلئیل اسموٹریچ نے مطالبہ کیا ہے کہ فلسطینی اتھارٹی کو غزہ کی انتظامیہ میں کوئی کردار نہ دیا جائے، حماس کو مکمل طور پر ختم کیا جائے اور مغربی کنارے کے کچھ حصوں پر قبضہ کر لیا جائے، تاکہ فلسطینی ریاست کے قیام کو روکا جا سکے۔

اسی طرح انتہاپسند وزیر بن گویئر نے نیتن یاہو کو خبردار کیا ہے کہ انہیں حماس کو شکست دیے بغیر غزہ کی جنگ ختم کرنے کا حق نہیں ، اس کے برعکس، اسرائیلی وزیر خارجہ گدعون ساعر نے موقف اپنایا ہے کہ غزہ کی جنگ کا خاتمہ ضروری ہے۔

کل صہیونی چینل 12 نے ایک ممکنہ جنگ بندی معاہدے کی تفصیلات جاری کیں جس کے مطابق امریکہ کی جانب سے پیش کردہ منصوبہ میں درج ذیل نکات شامل ہیں:

• تمام صہیونی قیدیوں کی 48 گھنٹوں میں رہائی،
• اس کے بدلے میں سینکڑوں فلسطینی قیدیوں کی آزادی،
• غزہ پٹی سے صہیونی فوج کا بتدریج انخلا۔

مزید پڑھیں:غزہ جنگ کے خاتمے کے حوالے سے نیتن یاہو اور اس کے وزراء کے درمیان کیا ہوا؟

مزید دعویٰ کیا گیا ہے کہ ٹرمپ کے اس منصوبے میں غزہ کو اسر صہیونی ائیلی علاقوں میں شامل نہ کرنے اور اس کے انتظامی کنٹرول کو مرحلہ وار مقامی اور بین الاقوامی فورسز کے حوالے کرنے کی شقیں بھی شامل ہیں۔