غزہ پر حملے کے لیے اسرائیل کو امریکہ سے 180 ملین ڈالر کا بڑا اسلحہ پیکج !

سچ خبریں:3000 سے زائد جنگی ہتھیاروں کی فراہمی، امریکی حمایت جاری، خطے میں تناؤ مزید بڑھنے کا خدشہ

الجزیرہ نیوز چینل کی رپورٹ کے مطابق اسرائیلی ذرائع نے انکشاف کیا ہے کہ اسرائیلی فضائیہ کو جلد ہی امریکہ سے ایک بڑی اسلحہ کی کھیپ موصول ہونے والی ہے، جس کا مقصد غزہ میں ممکنہ وسیع پیمانے پر فوجی کارروائی کو تقویت دینا ہے۔

یہ بھی پڑھیں:اسرائیل کو ہتھیاروں کی فروخت بند ہونی چاہیے: برنی سینڈرز

الجزیرہ نے اسرائیلی اخبار یدیعوت احرونٹ کے حوالے سے بتایا کہ یہ کھیپ 3000 سے زائد مختلف اقسام کے فضائی ہتھیاروں پر مشتمل ہے، جسے واشنگٹن سے روانہ کیا جا رہا ہے۔

ذرائع کے مطابق، یہ اسلحہ امریکی صدر ڈونلڈ ٹرمپ کی انتظامیہ کی منظوری سے بھیجا جا رہا ہے، اس کا مقصد اسرائیلی فضائیہ کی تیاریوں میں اضافہ کرنا ہے تاکہ وہ غزہ کی پٹی میں ممکنہ بڑی کارروائی کے لیے مکمل طور پر تیار ہو سکے۔

امریکی وزارت دفاع (پینٹاگون) نے اسلحہ کی فراہمی کی تصدیق کرتے ہوئے کہا:

 امریکہ، اسرائیل کی سیکیورٹی کے لیے پُرعزم ہے اور اسے فوجی امداد فراہم کرنا ہمارے قومی مفاد میں ہے۔

پینٹاگون نے وضاحت کی ہے کہ اس 180 ملین ڈالر مالیت کے اسلحہ پیکج میں وہ انجن بھی شامل ہیں جو ایتان ڈرون سسٹم (Eitan Power Pack) میں استعمال ہوتے ہیں۔

پینٹاگون کا مزید کہنا تھا کہ یہ اسلحہ فروخت خطے میں بنیادی فوجی توازن کو متاثر نہیں کرے گی۔

مزید پڑھیں:امریکہ اور اسرائیل کے درمیان بڑا سودا

ساتھ ہی انہوں نے یہ بھی کہا کہ اس معاہدے کی بنیاد پر امریکہ سے اسرائیل میں کسی فوجی یا سویلین عملے کی تعیناتی کی ضرورت نہیں پڑے گی۔