اسرائیل نے غزہ میں جنگی جرائم کا ارتکاب کیا؛سابق امریکی عہدیدار کا اعتراف

?️ 4 جون 2025

سچ خبریں:سابق امریکی محکمہ خارجہ کے ترجمان میتو میلر نے اعتراف کیا کہ اسرائیلی فوج نے غزہ میں جنگی جرائم کا ارتکاب کیا، اگرچہ یہ اقدامات انفرادی نوعیت کے تھے اور کابینہ کی پالیسی نہیں سمجھے جاتے۔

امریکی محکمہ خارجہ کے سابق ترجمان مٹیو میلرنے اسرائیل کے خلاف ایک غیرمعمولی اعتراف کرتے ہوئے کہا ہے کہ صہیونی حکومت نے غزہ کی پٹی میں جنگی جرائم کا ارتکاب کیا ہے۔ ان کا کہنا تھا کہ اسرائیلی فوجیوں نے ایسے اقدامات کیے جو بین الاقوامی قوانین کے مطابق نہیں تھے، مگر ان کے خلاف کوئی عدالتی کارروائی نہیں ہوئی۔

یہ بھی پڑھیں:غزہ میں صیہونی مظالم پر خاموشی ناقابل قبول:سوئٹزرلینڈ کے سابق سفارتکار

مٹیو میلر، جو جو بائیڈن کی صدارت کے دوران امریکی وزارت خارجہ کے ترجمان رہے، نے یہ بیان اسکائی نیوز کے ایک پوڈکاسٹ میں دیا، جسے صہیونی ذرائع ابلاغ اسرائیل ہیوم اور ٹائمز آف اسرائیل نے بھی شائع کیا ہے۔

مٹیو میلر نے گفتگو میں واضح کیا کہ یقیناً اسرائیل نے غزہ میں جنگی جرائم کیے ہیں، اسرائیلی فوجیوں نے ایسے اقدامات کیے جو بین الاقوامی قانون کے مطابق نہیں، لیکن ان پر مقدمہ نہیں چلایا گیا۔

جب ان سے پوچھا گیا کہ اکتوبر 2023 کے بعد ہزاروں فلسطینیوں کی ہلاکت اور بھوک کی صورتحال کو دیکھتے ہوئے، کیا یہ نسل کشی(Genocide) شمار ہوتی ہے؟ تو میلر نے کہا

میرا خیال نہیں کہ یہ نسل کشی ہے، مگر میں یقین سے کہتا ہوں کہ جنگی جرائم ضرور ہوئے ہیں۔

میلر نے کوشش کی کہ اسرائیلی حکومت اور فوجیوں کے انفرادی اقدامات کے درمیان فرق واضح کریں،ان کا کہنا تھا کہ فوجیوں نے مخصوص مواقع پر جنگی جرائم کیے، مگر یہ صہیونی کابینہ کی سرکاری پالیسی نہیں تھی۔

جب ان سے پوچھا گیا کہ آیا یہ ان کی ذاتی رائے ہے یا سرکاری مؤقف، تو میلر نے کہا کہ جب آپ عوامی نمائندہ ہوں تو ذاتی رائے نہیں دے سکتے، بلکہ حکومت کے مؤقف کی نمائندگی کرتے ہیں۔

مزید پڑھیں:گارڈین: غزہ کے اسکولوں پر اسرائیلی حملے دانستہ ہیں

میلر نے اعتراف کیا کہ اسرائیلی فوجیوں کے خلاف مناسب تعداد میں عدالتی کارروائیاں نہیں ہوئی،ہم نے نہیں دیکھا کہ کافی تعداد میں فوجیوں کو جنگی جرائم کے سلسلے میں عدالت میں پیش کیا گیا ہو۔