ایران کی جانب سے یورینیم کی افزودگی کو صفر کرنے کی پیشکش مسترد 

سچ خبریں:ایران نے جنیوا مذاکرات میں یورینیم کی مکمل بندش کی مغربی پیشکش رد کرتے ہوئے اپنے حق غنی‌سازی پر زور دیا،تہران نے اسرائیل کی جنگ بندی تک امریکہ سے کسی بھی مذاکرات کو مسترد کر دیا ہے۔

امریکی چینل سی‌ان‌ان نے باخبر ذرائع کے حوالے سے رپورٹ دی ہے کہ ایران نے جنیوا میں یورپی ٹروئیکا کے ساتھ ہونے والے مذاکرات کے دوران یورینیم کی افزودگی کو صفر کرنے  (Zero Enrichment) کی پیشکش کو قاطعانہ طور پر مسترد کر دیا ہے۔

یہ بھی پڑھیں:یورینیم کی افزودگی کے لیے تل ابیب سے ریاض تک گرین لائٹ

ذرائع کے مطابق، ایرانی مذاکراتی ٹیم نے ایک بار پھر اس موقف کا اعادہ کیا کہ ایران کو اپنی سرزمین پر یورینیم کی افزودگی کا مکمل حق حاصل ہے اور اس سے ہرگز دستبردار نہیں ہوگا۔

دوسری جانب، امریکہ اور بعض یورپی ممالک نے ایران پر دباؤ ڈالا کہ وہ اپنے جوہری پروگرام، خاص طور پر یورینیم کی افزودگی ، کو مکمل طور پر بند کرے، لیکن ایران نے اسے اپنی خودمختاری اور قومی مفاد کے منافی قرار دیتے ہوئے تسلیم کرنے سے انکار کر دیا۔

ایرانی وزیر خارجہ عباس عراقچی نے مذاکرات میں واضح کیا کہ تہران اب بھی سفارتی راہ کو ترجیح دیتا ہے، تاہم موجودہ بحران کا آغاز خود اسرائیل کی طرف سے ہوا جس نے امریکی حمایت سے ایران پر براہ راست حملہ کیا اور سفارتکاری کی راہ بند کر دی۔

عراقچی نے مزید کہا کہ جب تک صہیونی ریاست، جو بچوں کی قاتل ہے، اپنی جنگی کارروائیاں بند نہیں کرتی، ایران امریکہ کے ساتھ کسی بھی قسم کی بات چیت میں داخل نہیں ہوگا۔

مزید پڑھیں:سعودی عرب میں یورینیم کی افزودگی

یہ مؤقف اس وقت سامنے آیا ہے جب خطے میں ایران اور اسرائیل کے درمیان کشیدگی اپنی انتہاؤں کو چھو رہی ہے اور عالمی برادری ایران کے جوہری موقف اور سیاسی مستقبل پر نظریں جمائے ہوئے ہے۔