ایران کا تل ابیب میں صیہونی اسلحہ ساز تحقیقی مرکز پر میزائل حملہ

سچ خبریں:ایران کے ایک میزائل نے تل ابیب میں واقع اسرائیلی دفاعی تحقیقاتی ادارے وایزمن انسٹیٹیوٹ کو نشانہ بنایا، جو صہیونی اسلحہ سازی کا ایک کلیدی مرکز اور ماضی میں دہشتگرد گروہ ہگانا کا علمی بازو رہا ہے۔

ایران کے حالیہ میزائل حملوں کے دوران ایک انتہائی اہم صہیونی دفاعی تحقیقی ادارہ براہِ راست نشانہ بنا، میڈیا رپورٹس کے مطابق، ایرانی میزائلوں میں سے ایک نے گزشتہ شب تل ابیب کے وسطی علاقے میں واقع وایزمن انسٹیٹیوٹ پر براہِ راست ضرب لگائی،یہ ادارہ، جو 1934 میں مبقضہ شہر روحووت میں قائم ہوا تھا، صہیونی ریاست کی اسلحہ سازی میں بنیادی ستون سمجھا جاتا ہے۔

یہ بھی پڑھیں:ایرانی میزائلوں نے تل ابیب کو ہلا کر رکھ دیا، صیہونیوں کا اعتراف 

رپورٹ کے مطابق، وایزمن انسٹیٹیوٹ وہی تحقیقی مرکز ہے جو ابتدائی دنوں میں صہیونی دہشتگرد گروہ ہگانا کے لیے اسلحہ تیار کرنے کے حوالے سے معروف تھا ،ایک گروہ جس نے اسرائیلی ریاست کے قیام کے دوران فلسطینی عوام میں خوف و ہراس پھیلانے کے لیے دہشتگردانہ کارروائیاں کیں۔

یہ ادارہ آج بھی اسرائیلی وزارت دفاع، صہیونی فوج، اور جنگی ٹیکنالوجی کی مشہور کمپنی البیت سسٹمز کے ساتھ مل کر اسلحہ سازی، ڈرون ٹیکنالوجی، اور میزائل ڈیفنس جیسے شعبوں میں فعال کردار ادا کر رہا ہے۔

مزید پڑھیں:اسرائیل ایرانی میزائیلز کو روکنے میں ناکام، ہنگامی صورتحال کا اعلان

ایران کی جانب سے اس مرکز کو نشانہ بنایا جانا، صرف علامتی اقدام نہیں بلکہ اسرائیلی فوجی برتری کے اہم دماغی مرکز پر براہِ راست حملہ ہے جس کے فوجی و نفسیاتی اثرات شدید تصور کیے جا رہے ہیں۔