ایران امریکہ مذاکرات محض ایک فریب تھے؛امریکی اخبار کا انکشاف

سچ خبریں:امریکی وال اسٹریٹ جرنل نے انکشاف کیا ہے کہ امریکہ نے ایران کے ساتھ عمان میں مجوزہ جوہری مذاکرات کو اسرائیل کے حملے کے لیے سفارتی فریب کے طور پر استعمال کیا۔ 

رپورٹ کے مطابق اسرائیلی حملے کی منصوبہ بندی پہلے سے جاری تھی اور واشنگٹن اس سے باخبر تھا،امریکی روزنامہ وال اسٹریٹ جرنل نے ایک چشم کشا رپورٹ میں انکشاف کیا ہے کہ امریکہ نے ایران کے ساتھ عمان میں ہونے والے سفارتی مذاکرات کو درحقیقت اسرائیل کے حملے کے لیے ایک فریب اور پردہ پوشی کے طور پر استعمال کیا۔

یہ بھی پڑھیں:کیا ایران اور امریکہ کے درمیان مذاکرات آگے بڑھیں گے ؟

رپورٹ میں بتایا گیا ہے کہ جب امریکہ اور ایران کے درمیان غیر مستقیم مذاکرات کی بات ہو رہی تھی، جن کا نیا دور عمان کے دارالحکومت مسقط میں ہونا تھا، درحقیقت یہ تمام عمل ایک سفارتی فریب تھا تاکہ ایران کو غافلگیر کیا جا سکے۔

اخبار کے مطابق، ان مذاکرات کی آڑ میں اسرائیل نے ایران پر حملے کی تیاری مکمل کی، اور یہ حملے اس وقت کیے گئے جب امریکہ بظاہر ایران سے سفارتی رابطے میں مصروف تھا،رپورٹ میں یہ بھی تسلیم کیا گیا کہ،اسرائیل کے حالیہ حملے نہ صرف خطے میں کشیدگی کو نئی بلندیوں پر لے گئے بلکہ ایران اور اس کے اتحادیوں، خصوصاً روس، کی جانب سے شدید ردعمل کو بھی جنم دیا۔

مزید پڑھیں:عراقی وزیراعظم کا ایران-امریکہ مذاکرات پر نیا موقف

مزید بتایا گیا کہ ذرائع کے مطابق، اسرائیلی حکام نے مہینوں پہلے ان حملوں کی منصوبہ بندی شروع کر دی تھی اور امریکہ ان تمام تیاریوں سے بخوبی واقف تھا،باوجود اس کے کہ واشنگٹن کو اسرائیلی منصوبے کی مکمل اطلاع تھی، اس نے سفارتی کوششوں کا تاثر قائم رکھا تاکہ ایران کسی ممکنہ حملے کے لیے تیار نہ ہو،یہ انکشافات ایسے وقت سامنے آئے ہیں جب خطے میں کشیدگی پہلے ہی اپنے عروج پر ہے اور ایران نے بھی اپنے جوابی اقدام کا عندیہ دیا ہے۔