اردن میں امریکی فوجی اڈوں پر ایران کے میزائل حملے

?️ 9 ستمبر 2026

سچ خبریں:رپورٹس کے مطابق ایران نے اردن میں موفق السلطي اور شہزادہ حسن کے فضائی اڈوں کو میزائل حملوں کا نشانہ بنایا، جبکہ اردنی جنگی طیاروں نے ایرانی بیلسٹک میزائلوں کو روکنے کی کوشش کی۔

رپورٹس میں بتایا گیا ہے کہ ایران نے اردن میں موجود موفق السلطی اور شہزادہ حسن کے فضائی اڈوں کو میزائل حملوں کا نشانہ بنایا ہے۔

ذرائع ابلاغ کے مطابق اردن کے الازرق علاقے میں واقع ’’موفق السلطی‘‘ فضائی اڈہ اور ’’شہزادہ حسن‘‘ فضائی اڈہ ایران کے جوابی میزائل حملوں کا ہدف بنے ہیں۔

عرب ذرائع نے بھی اردن کے مختلف علاقوں میں دھماکوں کی آوازیں سنے جانے کی اطلاع دی ہے۔

رپورٹس کے مطابق امریکی ساختہ دفاعی نظام کی ایرانی میزائلوں کو روکنے میں ناکامی کے باعث اردنی فوج نے ایرانی بیلسٹک میزائلوں کو روکنے کے لیے فضائیہ کے جنگی طیارے فضا میں روانہ کیے۔

اسی دوران الجزیرہ کے نمائندے نے شمالی اردن کے شہر اربد، دارالحکومت عمان اور ملک کے مشرقی و شمالی علاقوں کے دیگر شہروں میں میزائلوں کو روکے جانے کی اطلاع دی۔

شامی ٹیلی ویژن نے بھی رپورٹ کیا کہ ایرانی میزائلوں کو السویداء کے اوپر فضا میں روکا گیا، جبکہ بعض میزائلوں نے اردن کو نشانہ بنایا۔

دوسری جانب بعض رپورٹس میں بحرین میں بھی دھماکوں کی آوازیں سنے جانے کی اطلاع دی گئی ہے۔