غزہ میں صہیونی ریاست کی جارحیت میں شدت؛ شہریوں کی بڑے پیمانے پر شہادتیں

سچ خبریں:صہیونی ریاست کی افواج نے ایک بار پھر غزہ کے مختلف علاقوں کو اپنی وحشیانہ کارروائیوں کا نشانہ بنایا جس کے نتیجہ میں 4 شہری شہید اور کئی دیگر زخمی ہو گئے۔

الجزیرہ نیوز چینل کی رپورٹ کے مطابق، صہیونی ریاست نے فلسطینیوں کی نسل کشی کے سلسلے کو جاری رکھتے ہوئے غزہ کی پٹی پر فضائی اور توپخانے کے حملے کیے۔

یہ بھی پڑھیں: امریکہ فلسطینیوں کی نسل کشی میں اسرائیل کا ساتھی

رپورٹس کے مطابق، صہیونی جنگی طیاروں کی جانب سے جنوبی غزہ کے علاقے صبرا پر کیے گئے حملے میں 4 شہری شہید اور کئی دیگر زخمی ہو گئے۔

فلسطینی خبر رساں ایجنسی وفا نے اطلاع دی کہ رفح میں کی گئی بمباری کے دوران کم از کم 3 فلسطینی شہید اور متعدد زخمی ہوئے ہیں۔

مقامی ذرائع کے مطابق، صہیونی جنگی طیاروں نے 2 اسکولوں کو بھی نشانہ بنایا جہاں فلسطینی پناہ گزین قیام پذیر تھے، ان حملوں میں کم از کم 15 شہری شہید اور 30 سے زائد زخمی ہو گئے۔

غزہ کی وزارت صحت کے مطابق، اکتوبر 2023 میں شروع ہونے والی جنگ کے بعد سے اب تک 45129 غیر مسلح شہری صہیونی افواج کے ہاتھوں شہید ہو چکے ہیں، جبکہ 107000 سے زائد افراد زخمی ہیں۔

مزید پڑھیں: کیا بھارت بھی معصوم فلسطینیوں کی نسل کشی میں ملوث ہے؟

مزید یہ کہ اندازے کے مطابق 10000 سے زائد افراد ملبے تلے دبے ہوئے ہیں، جنہیں بالآخر شہداء کی فہرست میں شامل کیا جا سکتا ہے۔