جرات ہے تو کسی عرب ملک کی سڑک پر چل کر دکھاؤ؛الجزیرہ کے اینکر کا سابق صہیونی وزیر کو چیلنج !

سچ خبریں:الجزیرہ چینل کے اینکر احمد طاھا نے سابق صہیونی وزیر ایوب قرا سے براہِ راست گفتگو میں کہا آپ عربوں اور مسلمانوں کی نظر میں دہشتگرد، قابض اور خونریز قاتل ہیں، جن کا احتساب اور محاکمہ ہونا چاہیے۔

براہِ راست ٹی وی شو میں ایوب قرا بارہا مشکل سوالات کے سامنے لاجواب ہوگئے اور بے بنیاد دعووں سے خود کو بچانے کی کوشش کرتے رہے۔

اینکر نے طنزیہ انداز میں پوچھا آپ انسانی حقوق اور بین الاقوامی قوانین کی کیوں پاسداری نہیں کرتے؟

صہیونی وزیر نے ڈھٹائی سے کہا اسرائیل نے جنگ نہیں چاہی، ہم چاہتے تھے کہ خلیجی ممالک سمیت سب عرب ممالک کے ساتھ امن سے رہیں، مگر ایران نے پورے علاقے پر قبضہ کیا ہے۔

یہ بھی پڑھیں:عرب عوام صیہونیوں کے ساتھ دوستی کے حق میں ہیں یا مخالف؟

احمد طاھا نے فوراً جواب دیا ایران کا آپ سے کیا تعلق؟ کیا عرب لیگ نے اسرائیل کو عرب ملکوں کا محافظ مقرر کیا ہے؟ ہرگز نہیں! آپ کو چاہیے کہ فلسطین، شام اور لبنان سے نکل جائیں، پھر عرب ممالک سے جو چاہیں معاملہ کریں۔

ایوب قرا نے دعویٰ کیا اکثریت عرب عوام اسرائیل کو تسلیم کرتی ہے اور اسرائیل کو مشرقِ وسطیٰ کا حصہ سمجھتی ہے۔

اینکر نے فوراً ٹوکا یہ اکثریت کہاں ہے؟ یہ نتیجہ کہاں سے نکالا؟

ایوب قرا نے کہا میں خود عرب ممالک جاتا ہوں اور وہاں آتا جاتا ہوں۔

اینکر نے اسے چیلنج کرتے ہوئے کہا براہِ راست نشریات میں تمہیں دعوت دیتا ہوں کہ کسی عرب ملک کی سڑک پر اسرائیل کا جھنڈا لے کر چلو اور اپنی شناخت ظاہر کرو، پھر عوام کا ردِعمل دیکھو، قاہرہ کے کسی علاقے میں جا کر خود کو سابق اسرائیلی وزیر کہہ کر دکھاؤ۔

ایوب قرا نے پھر جھوٹے دعوے کیے میں تو تمام عرب علاقوں میں جاتا ہوں اور سب کو اسرائیل پر بھروسہ ہے۔

اینکر نے کہا تو پھر کل کسی عرب ملک کی سڑک پر جا کر فلم بناؤ اور اعلان کرو کہ میں ایوب قرا، اسرائیل کا سابق وزیر ہوں۔

ایوب قرا بات گول کرنے لگا اور کہا میرے لیے سب سے اہم بات یہ ہے کہ جہاں رہوں وہاں استحکام اور سلامتی ہو۔

اینکر نے مذاق اڑاتے ہوئے کہا تمہاری ٹکٹ کے پیسے ہم دیں گے!

ایوب قرا نے بار بار یہ دہرانے کی کوشش کی کہ عرب اسرائیل سے خوش ہیں کیونکہ ہم نے انہیں ایرانی اور دہشت گرد خطرے سے نجات دلائی ہے۔

اینکر نے جواب دیا کیا نیتن یاہو غلط تھا جب اس نے کہا کہ ہم نے عرب حکومتوں سے تعلقات تو قائم کر لیے، مگر عوام سے نہیں؟ کیا السیسی (مصری صدر) غلط تھا جب اس نے کہا کہ جب تک اسرائیل غزہ میں ظلم کرتا ہے، وہ عرب عوام سے تعلقات قائم نہیں کر سکتا؟

مزید پڑھیں:عرب عوام صیہونیوں کے ساتھ تعلقات کے بارے میں کیا کہتی ہے؟

آخر میں اینکر نے کہا دیکھو! آج عرب اور مسلمانوں کی نظر میں تم لوگ قابض، دہشت گرد اور خونریز ہو، اور تمہارا حساب ہونا چاہیے۔ یہ سچائی ہے، سوشل میڈیا دیکھ لو!