کتنے فلسطینی بچوں کو بھوک سے مرنے کا خطرہ ہے؟یونیسف کی رپورٹ

?️ 12 جون 2024

سچ خبریں: اقوام متحدہ کے بچوں کے فنڈ(یونیسف) نے غزہ میں 3 ہزار فلسطینی بچوں کے عدم غذائیت کے باعث مرنے کے خطرے کی اطلاع دی ہے۔

الجزیرہ نیوز چینل کی رپورٹ کے مطابق یونیسف نے آج (منگل) کو غزہ میں فلسطینی بچوں کی سنگین صورتحال پر شدید تشویش کا اظہار کیا۔

یہ بھی پڑھیں: قحط اور غذائی قلت کے باعث فلسطینی بچوں کی شہادت

اس صندوق کی جانب سے جاری کردہ بیان میں کہا گیا ہے کہ غزہ میں 3 ہزار سے زائد فلسطینی بچے شدید عدم غذائیت کا شکار ہیں اور ان کی علاج معالجے تک رسائی نہ ہونے کی وجہ سے وہ اپنے والدین کی آغوش میں مرنے کے خطرے سے دوچار ہیں۔

بیان میں مزید کہا گیا ہے کہ غزہ میں جاری جنگ کی وجہ سے فلسطینیوں کی بے دخلی نے ان کی طبی خدمات تک رسائی کو متاثر کیا ہے اور بے گھر افراد کو مناسب خدمات فراہم نہیں کی جا سکتیں۔

انہوں نے کہا کہ اگرچہ شمالی غزہ میں انسانی امداد اور غذائی اشیاء کی کم مقدار میں رسائی ممکن ہو گئی ہے مگر جنوبی علاقوں میں اس امداد تک رسائی شدید کمی کا شکار ہے۔

یونیسف نے کہا کہ غزہ میں خوفناک مناظر دیکھنے کو مل رہے ہیں جہاں بچے بھوک سے والدین کی آغوش میں جان دے رہے ہیں کیونکہ وہاں خوراک، غذائی اسپلیمنٹس اور طبی سہولیات کی تباہی کا سامنا ہے۔

مزید پڑھیں: غزہ میں فلسطینی بچوں کی تباہ کن صورتحال کے بارے میں یونیسیف کا بیان

اقوام متحدہ کے اس ادارے نے اسرائیل سے غزہ میں امدادی سامان کی رسائی کے لئے گزرگاہیں کھولنے کی درخواست کرتے ہوئے کہا کہ یونیسف کے پاس غذائی اشیاء موجود ہیں جو اگر غزہ کی پٹی تک رسائی دی جائے تو انہیں فلسطینی بچوں تک پہنچایا جا سکتا ہے۔