صیہونی قیدی کیسے واپس آسکتے ہیں؟ قیدیوں کے اہلخانہ کی زبانی

?️ 26 مئی 2024

سچ خبریں: غزہ میں فلسطینی مزاحمتی تحریک کے پاس موجود صہیونی قیدیوں کے اہلخانہ نے تصدیق کی ہے کہ غزہ میں جنگ بندی کے بغیر قیدیوں کا کسی بھی قسم کا تبادلہ ممکن نہیں ہوگا۔

الجزیرہ نیوز چینل کی رپورٹ کے مطابق غزہ میں فلسطینی مزاحمتی تحریک کے پاس موجود صہیونی قیدیوں کے اہلخانہ نے تصدیق کی ہے کہ غزہ میں جنگ بندی کے بغیر قیدیوں کا کسی بھی قسم کا تبادلہ ممکن نہیں ہوگا۔

یہ بھی پڑھیں: کیا نیتن یاہو غزہ جنگ ہار چکے ہیں؟صیہونی قیدیوں کے اہلخانہ کیا کہتے ہیں؟

اسرائیلی قیدیوں کے اہلخانہ نے کہا کہ حماس کو تباہ کرنے اور اسرائیلی قیدیوں کی واپسی کے دعوے بے بنیاد اور فرضی ہیں جو دونوں ناکام ہو چکے ہیں۔

غزہ میں موجود صہیونی قیدیوں کے خاندانوں نے بتایا کہ زیادہ تر قیدیوں خاندانوں نے زور دیا کہ جنگ کے خاتمے کے بغیر کوئی تبادلہ نہیں ہوگا اور اکثر اسرائیلی جنگ روکنے کی حمایت کرتے ہیں تاکہ قیدیوں کی واپسی ممکن ہو سکے۔

اسی تناظر میں، صہیونی قیدی «نمرود کوہن» کے گھر والوں نے کہا کہ صیہونی قومی سلامتی کے وزیر ایتمار بن گویر اور مالیات کے وزیر بتسئیل اسموٹریچ صہیونی قیدیوں کی واپسی کی طرف توجہ دینے کے بجائے، غزہ کے اردگرد کے علاقوں میں آبادکاروں کی واپسی پر زور دے رہے ہیں۔

اس صہیونی قیدی کے خاندان نے نتانیاہو پر بھی تنقید کی کہ وہ محض اپنی سیاسی بقا کے لیے وزیر اعظم کے عہدے پر برقرار رہنے کی کوشش کر رہے ہیں۔

ایک اور صہیونی قیدی کے خاندان نے اعتراف کیا کہ آخرکار، ہمارے قیدیوں کی واپسی کے بغیر ہمیں جنگ بندی کرنی ہوگی۔

مزید پڑھیں: ہزاروں صیہونیوں کا کنیسٹ کے سامنے دھرنا؛اہم مطالبہ کیا ہے؟

یاد رہے کہ اس سے قبل حماس کی عسکری شاخ القسام بریگیڈز نے ایک ویڈیو جاری کی جس میں غزہ میں بمباری کے نتیجے میں صہیونی قیدیوں کے مارے جانے کا منظر دکھایا گیا۔

حماس نے اسرائیلی قیدیوں کے خاندانوں کو خبردار کیا کہ ان کی حکومت کے رہنما وقت ضائع کر رہے ہیں اور آپ کے بیٹوں کی حفاظت سے انہیں کوئی مطلب نہیں۔