تاریخ غزہ کے بحران میں امریکی کردار کو کبھی نہیں بھولے گی؛امریکی سینیٹرز کا انتباہ 

سچ خبریں:امریکی سینیٹر برنی سینڈرز اور کرس مرفی نے غزہ میں اسرائیلی حملوں میں امریکی شراکت پر شدید تنقید کی۔ سینڈرز نے کانگریس سے اسرائیل کی جنگی فنڈنگ روکنے کا مطالبہ کیا، جبکہ مرفی نے غزہ میں قحط اور انسانی بحران پر انتباہ جاری کیا۔

الجزیرہ نیوز چینل کی رپورٹ کے مطابق امریکی سینیٹرز نے غزہ میں اسرائیل کی جارحیت کے دوران امریکہ کے کردار پر شدید تحفظات کا اظہار کیا ہے اور خبردار کیا ہے کہ تاریخ اس انسانی المیے میں امریکی کردار کو کبھی نہیں بھولے گی۔

یہ بھی پڑھیں: فلسطینیوں کی نسل کشی میں امریکہ کا کردار

امریکی سینیٹر برنی سینڈرز نے واشنگٹن کی غزہ پالیسی پر سخت تنقید کرتے ہوئے کہا کہتاریخ کبھی بھی امریکہ کی اسرائیل کے ساتھ اس انسانی المیے میں شراکت اور غزہ کی المناک تباہی کو فراموش نہیں کرے گی،نہوں نے کانگریس سے مطالبہ کیا کہ وہ فوری طور پر نتن یاہو کی جنگی مشین کو دی جانے والی مالی امداد بند کرے۔

مزید پڑھیں: امریکہ کیا جوا کھیل رہا ہے؟

ایک اور امریکی سینیٹر، کرس مرفی نے بھی غزہ میں بگڑتی انسانی صورتحال پر شدید تشویش ظاہر کی،ان کا کہنا تھا کہ جو امداد اسرائیل کی اجازت سے غزہ پہنچی ہے وہ بالکل ناکافی ہے اور اس وقت پانچ لاکھ لوگ قحط کے خطرے سے دوچار ہیں،یہ بیانات ایسے وقت میں سامنے آئے ہیں جب امریکہ کے اندر عوام اور سیاسی حلقوں کی جانب سے غزہ پر اسرائیلی حملوں کی حمایت ختم کرنے کے لیے دباؤ میں مسلسل اضافہ ہو رہا ہے۔