غزہ میں صیہونی بستیوں کی تعمیر کے بارے میں صیہونی وزیر کے بیان پر حماس کا ردعمل

?️ 24 دسمبر 2025

سچ خبریں:حماس نے صیہونی وزیر جنگ کی غزہ میں صیہونی بستیوں کی تعمیر کے حوالے سے دیے جانے والے حالیہ بیان پر شدید ردعمل ظاہر کیا۔

حماس کے ترجمان حازم قاسم نے صیہونی وزیر جنگ اسرائیل کاتس کے غزہ میں صیہونی بستیوں کی تعمیر کے حوالے سے حالیہ بیان پر ردعمل ظاہر کرتے ہوئے کہا کہ اس طرح کے بیانات نہ صرف جنگ بندی کی خلاف ورزی ہیں بلکہ یہ ٹرمپ کے امن منصوبے کے خلاف بھی ہیں۔

یہ بھی پڑھیں:غزہ میں پیلی لکیر کے خاتمے کے اعلان میں اسرائیل کے مقاصد؛ پیشہ ورانہ حکمت عملی کو تبدیل کرنا

قاسم نے کہا کہ حماس دوسرے مرحلے میں داخل ہونے کے لیے تیار ہے لیکن صیہونی حکومت کے اقدامات نے اس میں رکاوٹ ڈالی ہے۔ انہوں نے صیہونی وزیر جنگ کے بیان کو غزہ میں امن کے قیام میں روکاٹ ڈالنے کے طور پر دیکھا۔

قاسم نے کہا کہ صیہونی حکومتنے غزہ میں صیہونی بستیوں کی تعمیر کے منصوبوں کی حمایت کرتے ہوئے جنگ بندی کی مخالفت کی ہے، ان کا کہنا تھا کہ حماس کے لیے غزہ میں امن قائم رکھنے کی کوششیں جاری ہیں اور ہم اپنے وعدوں کو پورا کرنے کے لیے تیار ہیں، تاہم، صیہونی اقدامات نے ان کوششوں کو سخت متاثر کیا ہے۔

حازم قاسم نے غزہ میں ایک بین الاقوامی فورس کی ضرورت پر بھی بات کی، جس کا کردار امن قائم کرنا اور مظلوم فلسطینیوں کے حقوق کا تحفظ کرنا ہونا چاہیے۔ ان کا کہنا تھا کہ اسرائیل کی طرف سے بین الاقوامی فورس کے کردار کو مسلح مقاومت کے خلاف استعمال کرنا ایک غیر منطقی اقدام ہوگا۔

قاسم نے مزید کہا کہ حماس نے تمام مفاہمتوں کی پیروی کی ہے اور اسرائیلی قیدیوں کے جسموں کی بازیابی کے لیے تگ و دو کی ہے۔ انہوں نے کہا کہ ان کے علاقے میں اسرائیلی فورسز کی کارروائیاں اور غزہ کی مشرقی علاقوں کی تباہی نے ان کوششوں کو مشکل بنایا ہے، مگر حماس اپنی ذمہ داریوں کو پورا کرنے کے لیے پرعزم ہے۔

قاسم نے صیہونی حملوں کو جنگ بندی کی خلاف ورزی اور پرامن مذاکرات کی کوششوں کو متاثر کرنے کے طور پر بیان کیا۔ ان کا کہنا تھا کہ حماس اسرائیل کے اقدامات کے باوجود، امن کے قیام اور فریقین کے درمیان مفاہمت کے لیے دوسرے مرحلے میں منتقلی کے لیے تیار ہے۔

مزید پڑھیں:صیہونی مقبوضہ بیت المقدس میں 1300 نئے ہاؤسنگ یونٹس تعمیر کرنے کی کوشش کر رہے ہیں

یاد رہے کہ صیہونی وزیر اسرائیل کاتس نے حال ہی میں اعلان کیا تھا کہ غزہ میں 1200 نئی صیہونی بستیاں تعمیر کی جائیں گی اور ناحال عوز کے نام سے نیا فوجی مرکز بنایاجائے گا،ان کے اس بیان نے ایک نیا تنازعہ کھڑا کیا جس پر اسرائیل کے دفتر وزیر جنگ نے وضاحت دیتے ہوئے کہا کہ اس کا مقصد صرف سیکیورٹی مسائل کے تحت تھا اور اسرائیل غزہ میں کوئی شہرک نہیں بنائے گا۔