حماس اسرائیل کے لیے ناقابلِ نفوذ؛ صیہونی اخبار کا اعتراف

?️ 31 جنوری 2026

سچ خبریں:صیہونی اخبار نے اعتراف کیا ہے کہ حماس کی تنظیمی ساخت صیہونی انٹیلی جنس کے لیے ناقابلِ نفوذ رہی ہے اور اسے مشرقِ وسطیٰ کا سخت ترین انٹیلی جنس چیلنج قرار دیا۔

شہاب نیوز ایجنسی کی رپورٹ کے مطابق صیہونی اخبار یدیعوت احرونٹ اخبار نے اعتراف کیا ہے کہ تحریکِ حماس کی تنظیمی ساخت صیہونی اداروں کے لیے ناقابلِ نفوذ رہی ہے۔

یہ بھی پڑھیں: اسرائیل حماس اور حزب اللہ کو تباہ نہیں کرسکتا: امریکی میڈیا

رپورٹ کے مطابق صیہونی اخبار یدیعوت احرونٹ کے تجزیہ نگار ناداو ایال نے تسلیم کیا کہ 2005 میں صیہونی افواج کے غزہ سے انخلا کے بعد سے اب تک صیہونی داخلی سلامتی ادارہ شاباک حماس کی قیادت کی سطح پر، نہ عسکری میدان میں اور نہ سیاسی شعبے میں، کوئی اہم یا اثر و رسوخ رکھنے والا ایجنٹ بھرتی کرنے میں کامیاب نہیں ہو سکا۔

رپورٹ میں کہا گیا کہ یہ ایک خوفناک حقیقت ہے جو متعدد ناکامیوں کی عکاسی کرتی ہے۔

اس رپورٹ میں زور دے کر کہا گیا کہ حماس مشرقِ وسطیٰ کا سب سے مشکل انٹیلی جنس چیلنج ہے۔ اسے ایک بند، خفیہ، منظم اور نظریاتی تنظیم قرار دیا گیا۔ رپورٹ کے مطابق صیہونی فوج اور شاباک نے فلسطینیوں کی اس صلاحیت کو کم تر سمجھا جس کے ذریعے وہ اسٹریٹجک حیران کن کارروائیاں انجام دے سکتے ہیں۔

مزید پڑھیں: غزہ میں جنگ کے بعد دوسرا دن؛حماس کی فتح کا جشن اور اسرائیل کی ناکامی

رپورٹ میں مزید کہا گیا کہ حماس نے اچانک حملوں اور راکٹ فائر کرنے کی اپنی صلاحیت پہلے بھی ثابت کی ہے، تاہم آپریشن طوفان الاقصیٰ کا فرق اس کے حجم، قوت اور اہداف میں تھا۔ اس کارروائی کو ایک گہرا، وسیع اور اسٹریٹجک سطح کا حیران کن اقدام قرار دیا گیا۔