حماس کا عالمی برادری سے مطالبہ

سچ خبریں:حماس نے عالمی برادری سے مطالبہ کیا ہے کہ وہ اسرائیلی وزیراعظم نیتن یاہو کی جانب سے غزہ میں بچوں اور شہریوں پر بھوک کو بطور جنگی ہتھیار استعمال کرنے کی کھلی مخالفت کرے۔

شہاب نیوز ایجنسی کی رپورٹ کے مطابق اسلامی مزاحمتی تحریک حماس نے ایک تازہ بیان میں عالمی برادری سے اپیل کی ہے کہ وہ اسرائیلی وزیراعظم بنیامین نیتن یاہوکے خلاف واضح اور قاطع ردعمل کا اظہار کرے، جو غزہ میں بھوک کو جنگی ہتھیار کے طور پر استعمال کر رہے ہیں۔

یہ بھی پڑھیں:حماس نے عالمی برادری سے صیہونی جارحیت کو روکنے کا مطالبہ کیا

حماس نے کہا کہ دنیا کو نیتن یاہوکے اس ہتھکنڈے کی کھل کر مخالفت کرنا چاہیے جس کے تحت وہ بےگناہ بچوں اور عام شہریوں کو بھوک کا شکار بنا رہا ہے۔

بیان میں مزید کہا گیا ہے کہ ہزاروں امدادی ٹرکوں کو غزہ میں داخل ہونے سے روکنا، جب کہ بچے بھوک سے مر رہے ہیں، ایک کثیرالجہتی جنگی جرم ہے ،

حماس نے اقوام متحدہ سمیت ان تمام بین الاقوامی اداروں کے موقف کی حمایت کی جو انسانی اصولوں کی خلاف ورزی پر مبنی امدادی پابندیوں کی مخالفت کر رہے ہیں۔

مزید پڑھیں:حماس کا اسرائیل کو بچوں کے قاتلوں کی بلیک لسٹ میں شامل کرنے پر اصرار 

بیان کے آخر میں حماس نے عرب اور اسلامی ممالک کو تنقید کا نشانہ بناتے ہوئے کہا کہ عرب و اسلامی ممالک کا موجودہ ردعمل اس نسل کشی اور غزہ میں جاری بھوک کے جرم کے حجم سے قطعی طور پر مطابقت نہیں رکھتا۔