شام میں بڑھتی ہوئی بدامنی؛ دہشتگردوں کے ہاتھوں خواتین اغوا 

سچ خبریں:شام میں الجولانی کے زیر تسلط علاقوں میں بدامنی بڑھنے کے ساتھ خواتین کے اغوا کے واقعات میں اضافہ ہو رہا ہے، حمص، حماہ، لاذقیہ اور طرطوس میں نوجوان خواتین دہشتگرد عناصر کا نشانہ بن رہی ہیں۔

عرب میڈیا رپورٹس کے مطابق، سوریہ کے مختلف صوبے، بالخصوص حمص، حماہ، لاذقیہ اور طرطوس، شدید بدامنی اور خواتین کے اغوا کے بڑھتے ہوئے واقعات کا سامنا کر رہے ہیں۔

یہ بھی پڑھیں: ترکی اور امریکہ کا شام کے مستقبل میں کردار ادا کرنے پر تبادلہ خیال

یہ بدامنی اس وقت اور بھی بڑھ گئی ہے جب سے دہشتگرد تنظیم الجولانی نے بشار الاسد کی حکومت کا تختہ الٹنے کے بعد علاقوں پر اپنا قبضہ مستحکم کیا ہے۔

البتہ، الجولانی کے زیر اقتدار کسی بھی علاقے میں بدامنی روکنے کے لیے مؤثر اقدامات نہیں کیے گئے۔ بلکہ اس کے برعکس، الجولانی سے وابستہ دہشتگرد عناصر خود ان ناامنیوں اور مجرمانہ کارروائیوں میں ملوث پائے گئے ہیں۔

حالیہ عرصے میں، بالخصوص ساحلی دیہاتوں میں 18 سے 30 سال کی عمر کی نوجوان خواتین کے اغوا کے واقعات میں تشویشناک اضافہ ہوا ہے۔

سوشل میڈیا پر ان خواتین، کنواری لڑکیوں، شادی شدہ خواتین، ملازمت پیشہ خواتین اور طالبات کی تصاویر گردش کر رہی ہیں، جنہیں اغوا کے بعد کسی سکیورٹی کارروائی کے بغیر ان کے اہل خانہ تک واپس نہیں لایا جا سکا۔

رپورٹس کے مطابق، دہشتگرد عناصر کے ہاتھوں اغوا کی گئی بعض خواتین کو جنسی زیادتی کا نشانہ بنایا گیا اور بعدازاں انہیں شدید زخمی حالت میں اسپتال منتقل کیا گیا۔

یہ تمام واقعات میڈیا پر سنسر شپ اور سخت خبریں دبانے کی پالیسی کے تحت منظر عام پر نہیں آ رہے۔

یاد رہے کہ شام میں بدامنی اور دہشتگرد عناصر کے ہاتھوں معصوم خواتین کے اغوا کے بڑھتے ہوئے واقعات نہ صرف انسانی حقوق کی سنگین خلاف ورزی ہیں بلکہ خطے میں ایک نئے انسانی المیے کو جنم دے رہے ہیں۔

مزید پڑھیں: شام میں مسلح گروہوں کے درمیان اختلافات میں شدت ؛الجولانی کی کرد ڈیموکریٹک فورسز کو وارننگ

اقام متحدہ اور عالمی برادری سے فوری اور مؤثر مداخلت کی ضرورت ہے تاکہ ان خواتین کی زندگیوں کو بچایا جا سکے اور دہشتگرد عناصر کے خلاف سخت اقدامات کیے جا سکیں۔