یوکرین کے وزیر خارجہ مستعفی

?️ 4 ستمبر 2024

سچ خبریں: یوکرینی پارلیمانی ذرائع نے اعلان کیا ہے کہ اس ملک کے وزیر خارجہ دیمتری کولبا نے استعفیٰ دے دیا ہے۔

رشیا ٹوڈے کی رپورٹ کے مطابق یوکرینی پارلیمانی ذرائع نے اعلان کیا کہ وزیر خارجہ دیمتری کولبا نے اپنا استعفیٰ دے دیا ہے۔

یوکرینی پارلیمنٹ کے اسپیکر رسلان استفانچوک نے اعلان کیا ہے کہ اس ملک کے وزیر خارجہ نے استعفیٰ دیا ہے۔

یہ بھی پڑھیں: زیلینسکی یوکرینی وزیر خارجہ کے ساتھ کیا کرنے والے ہیں؟

انہوں نے کولبا کے استعفیٰ کے درخواست پر آئندہ اجلاسوں میں غور کرنے کی خبر دی ہے۔

یوکرینی پارلیمنٹ کے اسپیکر رسلان استفانچوک نے منگل 13 ستمبر کو اعلان کیا کہ اولکساندر کامیشین  (وزیر برائے اسٹریٹجک انڈسٹریز)،دنیس مالیوسکا (وزیر برائے انصاف)، اور رسلان استریلتس (وزیر برائے ماحولیات) کے استعفے پارلیمانی نمائندوں کے زیر غور آئیں گے۔

اولکساندر کامیشین جو کہ یوکرین کے مستعفی وزیر برائے اسٹریٹجک انڈسٹریز ہیں، جنگ کے دوران اسلحہ کی تیاری کے امور کے سربراہ بھی تھے۔

انہوں نے سوشل میڈیا پلیٹ فارم ٹیلیگرام پر اپنے استعفے کی تصدیق کرتے ہوئے لکھا ہے کہ وہ ایک مختلف عہدے پر دفاعی شعبے میں اپنی خدمات جاری رکھیں گے۔

یوکرینی پارلیمانی نمائندگان اور سیاسی تجزیہ نگاروں نے پیش گوئی کی تھی کہ رواں موسم گرما کے آغاز سے حکومت میں بڑے پیمانے پر تبدیلیاں آئیں گی۔

مزید پڑھیں: یوکرینی نائب وزیر خارجہ کے 4 روزہ دورۂ ہندوستان کے مقاصد

سال کے آغاز میں کم از کم پانچ وزیروں کی برطرفی کے بعد، تین وزیروں کے مزید استعفے یوکرینی حکومت کے حالات پر شکوک و شبہات کو مزید بڑھا رہے ہیں۔