غزہ سے متعلق صیہونی منصوبے پر شکوک و شبہات میں اضافہ:برطانوی اخبار

سچ خبریں:ایک برطانوی اخبار نے اسرائیلی حکومت کے غزہ سے متعلق منصوبے پر بڑھتے ہوئے شکوک و شبہات کی نشاندہی کی ہے۔  

المنار نیوز چینل کی رپورٹ کے مطابق، برطانوی اخبار گارڈین نے بعض ذرائع کے حوالے سے رپورٹ دی ہے کہ صیہونی حکومت نے غزہ کی انتظامی صورتحال کے حوالے سے ایک منصوبہ اقوام متحدہ اور امدادی اداروں کو ارسال کیا ہے۔

یہ بھی پڑھیں: غزہ کے مستقبل کے لیے سات عرب ممالک کے مذاکرات

رپورٹ کے مطابق، اسرائیلی حکومت غزہ پر اس سے زیادہ کنٹرول حاصل کرنا چاہتی ہے جتنا اسے جنگ سے پہلے حاصل تھا۔

گارڈین کا کہنا ہے کہ اس منصوبے نے صیہونی وزیرِاعظم بنیامین نیتن یاہوکی حکومت کی نیت کے بارے میں مزید سوالات کھڑے کر دیے ہیں، خاص طور پر غزہ سے مکمل انخلاکے حوالے سے ان کے ارادوں پر شکوک مزید گہرے ہو گئے ہیں۔

یہ ایسے وقت میں سامنے آیا ہے جب کہ حماس اور اسرائیلی حکومت کے درمیان جنگ بندی معاہدےمیں قابض صیہونی فوج کے مکمل انخلاکو بنیادی شرائط میں شامل کیا گیا تھا۔

مزید پڑھیں: غزہ کی تعمیر نو کے راستے میں امریکہ اور صیہونی حکومت کی رکاوٹیں  

 تاہم تل ابیب کے حالیہ اقدامات اس معاہدے کے برعکس نظر آ رہے ہیں، جس سے خطے میں کشیدگی مزید بڑھنے کا خدشہ پیدا ہو رہا ہے۔