دبئی (سچ خبریں) دبئی کے حکمران شیخ محمد بن راشد المکتوم کے بھائی اور دبئی کے نائب حکمران شیخ حمدان بن راشد المکتوم انتقال کرگئے ہیں جس کے بعد متحدہ عرب امارات میں تین دن جبکہ دبئی میں 10 دن کے سوگ کا اعلان کردیا گیا ہے۔
غیر ملکی خبر رساں ایجنسی رائٹرز کے مطابق 75 سالہ شیخ حمدان دبئی کے حکمران شیخ محمد بن راشد المکتوم کے بھائی تھے اور گزشتہ چند ماہ سے علیل تھے اور اکتوبر میں ان کی بیرون ملک سرجری بھی ہوئی تھی۔
تفصیلات کے مطابق متحدہ عرب امارات کے حکمران اور ابوظہبی کے ولی عہد شہزادہ محمد بن زاید النہیان نے ٹوئٹ میں کہا کہ آج ہم نے یو اے ای کے سب سے وفادار لوگوں میں سے ایک کو کھو دیا ہے جن کی زندگی حقیقی محب وطن کاموں سے مالا مال رہی۔
دبئی میڈیا آفس سے جاری بیان میں کہا گیا کہ شیخ حمدان کی نماز جنازہ میں کورونا وبا کے باعث صرف خاندان کے افراد شریک ہوں گے۔
شیخ حمدان کی وفات پر دبئی میں 10 روزہ سوگ کا اعلان کیا گیا ہے جس دوران پرچم سرنگوں رہیں گے جبکہ متحدہ عرب امارات میں جمعرات سے تین روز کے لیے سرکاری ادارے بند رہیں گے۔
واضح رہے کہ 2008 میں دبئی کے حکمران نے اپنے بیٹے 38 سالہ حمدان کو ولی عہد نامزد کرکے امارات میں جانشینی کا سلسلہ قائم کیا تھا، ان کے ایک اور بیٹے مکتوم بھی دبئی کے نائب حکمران ہیں۔
شیخ حمدان 1971 سے متحدہ عرب امارات کے وزیر خزانہ تھے، یو اے ای میں عبید حمید الطائر 2008 سے وزیر مملکت برائے خزانہ امور بھی مقرر ہیں۔
مشہور خبریں۔
امریکہ چینی خلائی سلامتی کے لیے سب سے بڑا خطرہ
جنوری
صیہونی جرائم فلسطینی مزاحمت کو نہیں روک سکتے: جہاد اسلامی
دسمبر
کینالز کے معاملے پر جو اتفاق رائے سے فیصلہ ہوگا اس پر عمل ہوگا، راناثناء اللہ
مارچ
حریت کانفرنس کی طرف سے شہدائے عالی کدل کو شاندار خراج عقیدت
نومبر
اسماعیل ہنیہ کا دنیا کے آزاد لوگوں کے نام آخری پیغام
جولائی
لندن میں دنیا کا پہلاسات اسکرین والا لیپ ٹاپ فروخت کے لئے آمادہ
فروری
صیہونی غزہ اور لبنان کے خلاف اتنی درندگی کا مظاہرہ کیوں کر رہے ہیں؟
اکتوبر
لباس کسی کو اچھا یا برا نہیں بناتا: اُشنا شاہ
اپریل