چین کا امریکہ کو اہم مشورہ

سچ خبریں:چین کے وزیر اعظم لی چیانگ نے امریکہ کو مشورہ دیتے ہوئے کہا کہ تجارتی جنگ کسی کے مفاد میں نہیں، ترقی کا راستہ تعاون سے ہو کر گزرتا ہے۔

الجزیرہ نیوز چینل کی رپورٹ چین کے وزیر اعظم لی چیانگ نے واضح الفاظ میں کہا ہے کہ تجارتی جنگ سے کسی ملک کو فائدہ نہیں پہنچے گا اور ترقی کی راہ کسٹم ٹیکس اور تجارتی پابندیوں سے نہیں بلکہ بات چیت اور تعاون سے ہموار ہوتی ہے،انہوں نے امید ظاہر کی کہ امریکہ محاذ آرائی کے بجائے بات چیت کا راستہ اختیار کرے گا۔

یہ بھی پڑھیں:مشرق وسطیٰ کے ممالک کے لیے چین کا مشورہ

چین کی سرکاری خبر رساں ایجنسی کے مطابق، لی چیانگ نے ان خیالات کا اظہار بیجنگ میں ایک اعلی سطحی امریکی وفد کے ساتھ ملاقات میں کیا، جس کی قیادت امریکی ریپبلکن سینیٹر اسٹیو دینز کر رہے تھے، جو سابق صدر ڈونلڈ ٹرمپ کے قریبی اتحادی سمجھے جاتے ہیں۔

وزیر اعظم لی نے کہا کہ ہمیں امید ہے کہ امریکہ ہمارے ساتھ تصادم کے بجائے مفاہمت اور رابطے پر مبنی رویہ اختیار کرے گا۔

یہ ملاقات ایک ایسے وقت میں ہوئی ہے جب چین اور امریکہ کے درمیان تعلقات میں دوبارہ کشیدگی پیدا ہو گئی ہے۔ اس کی وجہ سابق امریکی صدر ٹرمپ کی جانب سے چینی مصنوعات پر اضافی درآمدی محصولات (تجارتی ٹیکس) کا نفاذ ہے، جس نے دونوں ممالک کے درمیان تجارتی توازن کو متاثر کیا ہے۔

ذرائع کے مطابق، ٹرمپ کی جانب سے اعلان کیا گیا ہے کہ وہ اپریل کے اوائل (اواخر فروری کے اختتام پر) سے ان تمام ممالک کے خلاف نئی تجارتی پابندیاں عائد کریں گے جو امریکہ سے درآمدات پر ٹیکس لگاتے ہیں۔ اس فیصلے سے چین اور دیگر ممالک متاثر ہو سکتے ہیں۔

مزید پڑھیں: نئے ’ڈیپ سیک‘ کی تلاش میں چین کی نگاہیں ’مینس‘ پر

چینی وزیر اعظم نے اس موقع پر اس بات پر زور دیا کہ عالمی ترقی اور استحکام کا انحصار دو طرفہ احترام اور کھلے اقتصادی تعلقات پر ہے، نہ کہ تجارتی پابندیوں اور کشمکش پر۔