چین نے شام کے حوالے سے اہم بیان جاری کردیا

?️ 24 جون 2021

کابل (سچ خبریں) شام کے لئے اقوام متحدہ کے سکریٹری جنرل کے خصوصی ایلچی سے ملاقات کے بعد، اقوام متحدہ میں چین کے مستقل نمائندے نے ٹویٹ کرتے ہوئے کہا کہ شام کے بحران کا واحد حل "سیاسی عمل” ہے۔

غیر ملکی خبر رساں ایجنسی کی رپورٹ کے مطابق اقوام متحدہ میں عوامی جمہوریہ چین کے مستقل نمائندے، جانگ جون نے بدھ کے روز ٹویٹ کیا کہ شام میں موجودہ مسائل کا کوئی فوجی حل نہیں ہے اور اس کا واحد حل "سیاسی عمل” ہے۔

چین کے اس اعلی عہدے دار سفارتکار نے شام کے لئے اقوام متحدہ کے سکریٹری جنرل کے خصوصی ایلچی "گر پیڈرسن” سے ملاقات کے بعد اپنے سرکاری ٹویٹر اکاؤنٹ پر لکھا: "مجھے اپنے پرانے دوست گر پیڈرسن، اقوام متحدہ کے سکریٹری جنرل برائے شام کے لئے خصوصی ایلچی سے ملاقات کرکے بہت خوشی ہوئی ہے، شام کے مسئلے کا کوئی فوجی حل نہیں ہے، "سیاسی عمل ہی مسائل سے نکلنے کا واحد راستہ ہے۔”

انہوں نے مزید کہا کہ، ٹھوس اقدامات کے ذریعے تمام فریقوں کے درمیان اعتماد قائم کرنا چاہئے، چین مسٹر پیڈرسن کی جانب سے شام میں ثالثی کی کوششوں کی حمایت کرتا رہے گا۔