تجارتی جنگ کے بارے میں ٹرمپ کا ایک اور متنازعہ بیان

سچ خبریں:امریکی صدر ڈونلڈ ٹرمپ نے ان ممالک کو غیر معمولی مشورہ دیتے ہوئے کہا ہے جو امریکہ کے عائد کردہ تجارتی ٹیرف کو بہت زیادہ سمجھتے ہیں کہ وہ امریکہ کے ساتھ تجارت ہی نہ کریں۔  

یہ بھی پڑھیں:ٹرمپ اور دنیا کے ساتھ تجارتی جنگ؛ اہداف اور نتائج

 رشیا ٹوڈے کی رپورٹ کے مطابق، ٹرمپ نے واضح کیا کہ جو ممالک امریکی ٹیرف کو نا مناسب سمجھتے ہیں، ان کے پاس یہ اختیار ہے کہ وہ امریکہ کے ساتھ تجارت ترک کر دیں۔

 گزشتہ ہفتے ٹرمپ انتظامیہ نے تقریباً 90 یاد رہے کہ ممالک پر نئے سخت ٹیرف عائد کیے، جن پر 90 دن کے لیے عملدرآمد روک دیا گیا سوائے چین کے، جس کے خلاف امریکہ کی تجارتی جنگ جاری ہے۔

چین اور امریکہ کے درمیان یہ ٹیرف جنگ پنگ پونگ کی طرح جاری ہے، جہاں دونوں ممالک مسلسل ایک دوسرے پر نئے محصولات عائد کر رہے ہیں،امریکہ نے چین سے درآمدات پر ٹیرف 145 فیصد تک بڑھا دیے ہیں، جو ایک ریکارڈ سطح ہے۔

ٹرمپ نے اپنے بیان میں کہا کہ ہم آخرکار وہ کچھ حاصل کرنے میں کامیاب ہو رہے ہیں جو ہم چاہتے ہیں،  ہم ٹیرف لگا سکتے ہیں، اور ان کے پاس یہ اختیار ہے کہ یا تو ہمارے ساتھ تجارت نہ کریں، یا پھر ٹیرف ادا کریں، اگر انہیں لگتا ہے کہ یہ ٹیرف بہت زیادہ ہیں، تو انہیں ہمارے ساتھ کاروبار کرنے کی ضرورت نہیں۔

 واضح رہے کہ چین اور دیگر ممالک پر ٹیرف کا دباؤ عالمی معیشت کو متاثر کر سکتا ہے،سپلائی چین میں خلل سے صارفین کو مہنگائی کا سامنا ہو سکتا ہے،کئی ممالک امریکہ کے اس یکطرفہ اقدام پر تنقید کر رہے ہیں۔

مزید پڑھیں:ٹرمپ کے نئے ٹیکسز پر عالمی ردعمل؛ تجارتی جنگ کا خدشہ

ٹرمپ کی یہ پالیسی امریکہ کو پہلے امریکی (America First) کے ایجنڈے پر آگے بڑھانے کی کوشش ہے، لیکن اس کے طویل مدتی معاشی و سیاسی اثرات عالمی سطح پر محسوس کیے جائیں گے۔