الجولانی اور امریکہ کے درمیان شامی کیمیائی ہتھیاروں سے متعلق معاہدہ

سچ خبریں:شامی شدت پسند تنظیم الجولانی نے اعلان کیا ہے کہ اس نے امریکہ کے ساتھ شام کے کیمیائی ہتھیاروں کے مکمل خاتمے پر اتفاق کر لیا ہے،اس معاہدے میں کرد فورسز کا انضمام اور شام پر عائد امریکی پابندیوں کی ممکنہ منسوخی بھی زیر بحث آئی ہے۔

روسی خبر رساں ادارے روسیا الیوم کی رپورٹ کے مطابق، شامی شدت پسند حکومت الجولانی نے اعلان کیا ہے کہ دمشق اور واشنگٹن کے درمیان گزشتہ روز ترکی کے شہر استنبول میں شام پر حکمرانی کرنے والے دہشت گرد گروپ کے سربراہ اور امریکی نمائندے تام باراک کے درمیان ہونے والی ملاقات میں شام کے کیمیائی ہتھیاروں کے مکمل خاتمے پر اتفاق ہو گیا ہے۔

یہ بھی پڑھیں:الجولانی کی فلسطینی گروپوں کو شام سے نکالنے کی کوشش

اس ملاقات میں دونوں فریقین نے امریکی حمایت یافتہ کرد ڈیموکریٹک فورسز کو شام کے سرکاری اداروں میں ضم کرنے کے عمل پر بھی گفتگو کی،اس ملاقات کے دوران شام پر عائد امریکی پابندیوں کے خاتمے پر بھی مشاورت ہوئی اور امریکی نمائندے ٹام باراک نے کہا کہ امریکہ نے اس سمت میں عملی اقدامات کا آغاز کر دیا ہے اور یہ عمل پابندیوں کے مکمل خاتمے تک جاری رہے گا۔

مزید پڑھیں:شام پر 180 روزہ امریکی پابندیاں ہٹانے پر گولانی حکومت کا ردعمل

الجولانی نے اس ملاقات میں دعویٰ کیا کہ وہ شام کی تقسیم کے خلاف ہے، دونوں فریقین نے شام اور اسرائیل کے درمیان سیزفائر معاہدے پر عمل درآمد کی ضرورت پر بھی زور دیا،تاہم اس ملاقات میں اسرائیل کی جانب سے شام کے مختلف علاقوں پر روزانہ ہونے والے حملوں اور بشار الاسد حکومت کے خاتمے کے بعد کی صورتحال پر کوئی بات نہیں ہوئی۔