لبنان نے 11 ماہ سے ایک گولی بھی نہیں چلائی، اسرائیل نے کب جنگ بندی کی پابندی کی؟:نبیہ بری

?️ 15 نومبر 2025

 لبنان نے 11 ماہ سے ایک گولی بھی نہیں چلائی، اسرائیل نے کب جنگ بندی کی پابندی کی؟:نبیہ بری

 لبنانی پارلیمنٹ کے اسپیکر نبیہ بری نے اسرائیل کی مسلسل خلاف ورزیوں کی شدید مذمت کرتے ہوئے کہا ہے کہ گزشتہ 11 ماہ سے لبنانی مزاحمت نے ایک بھی گولی فائر نہیں کی، اور لبنان نے جنگ بندی معاہدے کی مکمل پاسداری کی ہے۔ اس کے باوجود اسرائیل نے کب اور کہاں اس معاہدے پر عمل کیا؟

ایرنا کے مطابق، نبیہ بری نے ہفتے کے روز اپنے خطاب میں کہا کہ اسرائیل کی جارحیت مسلسل جاری ہے اور یہ اس ریاست کی فطری جارحانہ پالیسی کا ثبوت ہے۔ انہوں نے کہا کہ لبنان نے تمام شرائط پوری کیں، مگر اسرائیل نے ایک بار بھی معاہدے کی روح کا احترام نہیں کیا۔

یکم اکتوبر 2024 کو اسرائیل نے لبنان پر حملے شروع کیے تھے۔

دو ماہ بعد، 7 دسمبر 2024 کو امریکی ثالثی میں جنگ بندی کا اعلان ہوا، مگر اسرائیل نے اس کے بعد بھی ہزاروں بار معاہدے کی خلاف ورزی کی۔

معاہدے کے مطابق اسرائیلی فوج کو 60 دن کے اندر جنوب لبنان سے نکل جانا تھا، لیکن اسرائیل نے بین الاقوامی قوانین کو پامال کرتے ہوئے پانچ اسٹریٹجک مقامات پر اپنے اہلکاروں کو آج تک برقرار رکھا ہوا ہے۔

المنار ٹی وی کے مطابق نبیہ بری نے یہ الزام بھی رد کر دیا کہ لبنانی مزاحمت کی طرف سے اسلحہ سمندر، زمین یا ہوا کے راستے لبنان منتقل کیا جا رہا ہے۔

انہوں نے واضح کہا کہ یہ تمام دعوے بے بنیاد اور جھوٹے ہیں۔

انتخابی قانون کے حوالے سے بات کرتے ہوئے نبیہ بری نے کہا کہ کچھ حلقے بےچینی کے ساتھ اس مسئلے کے حل کے لیے دباؤ ڈال رہے ہیں، حالانکہ ابھی تک انہیں قانون کا مسودہ موصول بھی نہیں ہوا۔

نبیہ بری کے مطابق، اصل مسئلہ اسرائیلی جارحیت ہے، اور عالمی برادری کو دیکھنا چاہیے کہ جنگ بندی کی خلاف ورزی کس نے کی اور خطے کی بےچینی کا ذمہ دار کون ہے۔