سچ خبریں:ترکی کے صدر نے یوکرین میں ٹینک بھیجنے کے مغرب کے اقدام کو خطرناک قرار دیتے ہوئے کہا کہ کیف کو ٹینکوں کی ترسیل خطرناک ہے اور اس سے یوکرین کا بحران حل نہیں ہوتا۔
ترک صدر رجب طیب اردگان نے کہا کہ یوکرین کو ٹینکوں کی فراہمی سے یوکرین میں تنازع حل کرنے میں کوئی مدد نہیں ملے گی،اردگان نے TRT ٹیلی ویژن چینل کو دیے جانے والے ایک انٹرویو میں کہا کہ میں یہ نہیں کہہ سکتا کہ ٹینک بھیجنا تنازع کے حل کے عناصر میں سے ایک ہے،یہ ایک پرخطر کاروبار ہے جو صرف اسلحہ ڈیلروں کے لیے مفید ہے اور اس سے بحران کو حل کرنے نیز جنگ کو روکنے میں مدد نہیں ملے گی۔
دریں اثنا یوکرین کے وزیر خارجہ دیمیٹرو کلبا نے اعلان کیا کہ اس ملک کی مسلح افواج کو 120 سے 140 کے درمیان جدید مغربی بھاری ٹینک ملیں گے، ان ہتھیاروں کی ترسیل کے وقت کا اعلان کیے بغیر انہوں نے مزید کہا کہ یوکرین فرانس کے لیکلرک جنگی ٹینکوں پر بہت زیادہ انحصار کرتا ہے۔
ان کے مطابق 12 ممالک نے ٹینک بھیجنے پر اتفاق کیا ہے جبکہ کیف مغربی جنگی جہازوں اور طویل فاصلے تک مار کرنے والے میزائل حاصل کرنے کے لیے بات چیت کر رہا ہے،یوکرین کے وزیر خارجہ نے دعویٰ کیا کہ یہ ہتھیار کشیدگی پیدا کرنے کے لیے نہیں ہیں بلکہ یہ دفاعی اور ڈیٹرنس ہیں۔
