یوکرین میں نیٹو فوجیوں کی تعیناتی قبول نہیں کریں گے:روس

یوکرین میں نیٹو فوجیوں کی تعیناتی قبول نہیں کریں گے:روس

روس کی سلامتی کونسل کے نائب چیئرمین دیمتری مدودف نے فرانس کے حالیہ مؤقف پر شدید ردعمل ظاہر کرتے ہوئے کہا ہے کہ ماسکو یوکرین میں نیٹو فوجیوں کی تعیناتی کو کسی صورت قبول نہیں کرے گا۔

عرب ٹی وی الجزیرہ کے مطابق، مدودف نے بدھ کے روز ایک بیان میں کہا کہ فرانس بار بار امن قائم کرنے کے نام پر یوکرین میں فوجی بھیجنے کی بات کرتا ہے، لیکن روس کے لیے یہ تجویز ناقابلِ قبول ہے۔

انہوں نے اپنے پیغام میں سخت لہجہ اختیار کرتے ہوئے کہا کہ "فرانسیسی قیادت مسلسل یوکرین میں فوجی بھیجنے کی ضد کر رہی ہے، جبکہ یہ بات واضح کر دی گئی ہے کہ کوئی بھی نیٹو فوج بطور امن فوج یہاں برداشت نہیں کی جائے گی۔

مدودف نے مزید کہا کہ روس کسی بھی قسم کے مغربی سلامتی کے ضمانتوں کو تسلیم نہیں کرے گا اور مغربی رہنما محض دکھاوے کے لیے ایسی تجویزیں دہرا رہے ہیں۔