اسرائیلی شہرک سازی بین الاقوامی قوانین کی کھلی خلاف ورزی ہے:برطانیہ

اسرائیلی شہرک سازی بین الاقوامی قوانین کی کھلی خلاف ورزی ہے

برطانیہ اور ہالینڈ نے مقبوضہ فلسطینی علاقوں میں اسرائیل کے نئے E1 شہرک سازی منصوبے کو بین الاقوامی قوانین کی صریح خلاف ورزی قرار دے کر سخت مذمت کی ہے۔

برطانوی وزیر خارجہ ڈیوڈ لَمی نے بدھ کے روز اپنے بیان میں کہا کہ اسرائیل کا E1 منصوبہ، جو مستقبل کے فلسطینی ملک کو دو حصوں میں تقسیم کر دیتا ہے، ناقابل قبول اور غیرقانونی ہے۔ ان کا کہنا تھا کہ اس اقدام سے عالمی قوانین کی کھلی خلاف ورزی ہوگی۔

ہالینڈ کے وزیر خارجہ کاسپر وِلدکمپ نے بھی اسرائیلی فیصلے کی مذمت کرتے ہوئے کہا کہ یہ منصوبہ کرانہ باختری کو دو حصوں میں تقسیم کر دے گا اور فلسطینی ریاست کے قیام کو تقریباً ناممکن بنا دے گا۔ انہوں نے اسرائیل پر زور دیا کہ وہ ایسا کوئی قدم نہ اٹھائے جو "دو ریاستی حل” کو کمزور کرے۔

اسرائیلی کابینہ نے حال ہی میں مشرقی قدس میں اس منصوبے کو باضابطہ طور پر منظور کیا ہے۔ یہ وہی منصوبہ ہے جسے 1990 کی دہائی سے بین الاقوامی دباؤ کے باعث کئی بار مؤخر کیا گیا تھا۔

فلسطینی علاقوں میں شہرک سازی پر نظر رکھنے والی تنظیم صلح اکنون (Peace Now) کے مطابق، اس منصوبے کو غیرمعمولی تیزی سے آگے بڑھایا گیا ہے۔ اس کے تحت 3401 نئے رہائشی یونٹ تعمیر ہوں گے جبکہ ایک نیا بستی نما قصبہ عِشآہل بھی بنایا جائے گا جس میں 342 مکان اور عوامی سہولتوں کی عمارتیں شامل ہوں گی۔