یوکرائن حکومت کا انسانی حقوق کی خلاف ورزیوں کا ریکارڈ

?️ 3 مارچ 2022

سچ خبریں:اقوام متحدہ کی انسانی حقوق کی بین الاقوامی کمیٹی کے خصوصی ایلچی نے کہا ہے کہ یوکرائن کی حکومت اپنی خارجہ پالیسیوں کی مخالفت کرنے والوں پر جبر کرنے کی وجہ سے جمہوری حکومتوں کی فہرست میں شامل نہیں ہوسکتی۔
جنیوا میں اقوام متحدہ کی انسانی حقوق کی بین الاقوامی کمیٹی کے خصوصی ایلچی ہیثم ابو سعید کا کہنا ہے کہ یوکرائنی حکام اپنی خارجہ پالیسیوں کی مخالفت کرنے والوں کےخلاف جبر کی وجہ سے جمہوری حکومتوں کی فہرست میں شامل نہیں ہوں گے،واضح رہے کہ یوکرائن میں روسی فوجی آپریشن کے ساتویں دن کی صورتحال کے بارے میں ابو سعید نے کہاکہ روس یا کسی دوسرے ملک نے اس سے قبل انسانی حقوق کی کونسل کو رپورٹ پیش نہیں کی جس میں مشرقی ڈونباس میں یوکرائنی حکومت کی جانب سےانسانی حقوق کی خلاف ورزیوں کے خاتمے کے لیے اقدامات کرنے کی ضرورت کا اشارہ دیا گیاہو۔

انہوں نے مزید کہاکہ یہ بالکل واضح ہے کہ یوکرائن میں انسانی حقوق کی خلاف ورزیوں کی شکایت کرنے والے فریقین کی درخواست میں ایک قسم کا ابہام ہے کیونکہ یوکرائن کی حکومت خود انسانی حقوق کی خلاف ورزی کر رہی ہے۔

اقوام متحدہ کی انسانی حقوق کی بین الاقوامی کمیٹی کے خصوصی ایلچی نے کہاکہ یوکرائن میں انسانی حقوق کی خلاف ورزیاں آج اور کل کی بات نہیں ہیں، بلکہ اس ملک میں انسانی حقوق کی خلاف ورزیاں 2014 میں شروع ہوئی تھیں، اسی لیے یوکرین کی حکومت اس فہرست میں شامل نہیں ہے،انھوں نے مزید کہا کہ ہمارےپاس یوکرائنی عوام کے ساتھ معاملات میں انسانی حقوق کی خلاف ورزیوں کے متعدد ثبوت موجود ہیں۔