یورپ میں امریکی فوج الرٹ

?️ 19 ستمبر 2022

سچ خبریں:امریکی مسلح افواج کے سربراہ نے یوکرین میں روس کی حالیہ ناکامیوں کی وجہ سے یورپ میں تعینات امریکی فوجیوں کے لیے چوکنا رہنے اور احتیاط برتنے کا مطالبہ کیا ہے۔

امریکی فوج کے چیف آف جنرل سٹاف جنرل مارک ملی نے یوکرین کی جنگ کی حالیہ صورتحال کے پیش نظر یورپ میں تعینات امریکی فوجیوں کو ہوشیار رہنے اور احتیاط برتنے پر زور دیا،نیوز ویک کی رپورٹ کے مطابق ملی نے روس کے ساتھ جنگ میں یوکرین کی مدد کرنے کے مقصد سے پولینڈ میں بنائے جانے والے واقع امریکی فوجی اڈے کے دورے کے دوران کہا کہ یوکرین میں حالیہ ناکامیوں پر روس کے ردعمل کا اندازہ نہیں لگایا جا سکتا۔

انہوں نے اس سلسلے میں امریکی افواج سے مطالبہ کیا کہ حالات سے آگاہ رہیں اور اپنی تیاری برقرار رکھیں، تیاری اور چوکسی برتنے کی تاکید کرتے ہوئے انہوں نے اس بات پر زور دیا کہ یورپ میں تعینات امریکی فوجی بڑھتے ہوئے خطرے کی زد میں نہیں ہیں۔

امریکی فوج کے جوائنٹ چیفس آف اسٹاف کے چیئرمین نے مزید دعویٰ کیا کہ روس کے لیے اس وقت جنگ بہت اچھی نہیں چل رہی ہے لہٰذا ہم پر فرض ہے کہ ہم اپنی اعلیٰ تیاری رکھیں اور چوکس رہیں تاہم کسی بھی جنگ میں آپ یقین کے ساتھ پیشین گوئی نہیں کر سکتے کہ کیا ہوگا۔