یمن کے خلاف جارحیت کا خوفناک اور غیر متوقع ردعمل ہوگا:یمنی فوج

?️ 3 اپریل 2023

سچ خبریں:یمنی مسلح افواج کے ترجمان نے اس ملک کے خلاف جارح اتحاد کو کسی بھی نئی حماقت کے ارتکاب سے خبردار کیا ہے۔

المسیرہ چینل کی ویب سائٹ کے مطابق یمنی مسلح افواج کے ترجمان بریگیڈیئر جنرل یحیی سریع نے تاکید کی کہ اگر جارح اتحاد یمن کے خلاف کسی نئی حماقت کا ارتکاب کرتا ہے تو ہم اس کا شدید اور غیر متوقع جواب دیں گے جو پورے خطے کو اپنی لپیٹ میں لے گا۔

انہوں نے مزید کہا کہ ہم جارحوں کو ان کی اپنی سرزمین پر جواب دیتے ہیں، یمن میں متحدہ عرب امارات اور سعودی عرب پر جو ضربیں لگائی گئی ہیں، ان کو دیکھتے ہوئے، وہ اب میدان میں موجود نہیں ہیں اور یمنیوں کے خلاف دفاع کی پہلی لائن کرائے کے فوجیوں کے لیے چھوڑ چکے ہیں۔

بریگیڈیئر جنرل یحییٰ سریع نے تاکید کی کہ اگر صنعاء کی جنگ متحدہ عرب امارات اور سعودی عرب کے ساتھ ہوتی تو جنگ پہلے سال ہی ختم ہو جاتی۔

انہوں نے مزید کہا کہ یمن انگریزوں کا 120 سالہ قبضے کے کا خاتمہ کر چکا ہے اس لیے یہاں سعودی اور اماراتی اتحاد کی موجودگی طویل نہیں ہوگی،یمنی مسلح افواج کے ترجمان نے واضح کیا کہ اگر جارح یمن پر نئے حملے کریں گے تو ہم ان کو ان کی سرزمین پر اس طرح جواب دیں گے کہ وہ اپنے اقدام پر پشیمان ہوں گے۔