یمن کے خلاف امریکی دوغلہ پن

?️ 17 اگست 2022

سچ خبریں:امریکہ ایک طرف یمن میں جنگ بندی کی حمایت کر رہا ہے اور دوسری طرف اس ملک کے گناہ لوگوں کا قتل عام کرنے کے لیے اسلحہ بھیج رہا ہے۔
یمن کی عوامی تحریک انصار اللہ کے سیاسی دفتر کے سربراہ نے امریکہ کی منافقانہ پالیسوں پر تنقید کرتے ہوئے کہا کہ وہ ایک طرف اعلانیہ جنگ بندی کی بات کر رہے ہیں اور دوسری طرف اپنا دشمنانہ رویہ بھی جاری رکھے ہوئے ہیں،انصار اللہ یمن کے سیاسی دفتر کے سربراہ علی القحوم نے یمنی عوام سے اپیل کی کہ وہ امریکی مفادات کی تکمیل کے لئے شروع کئے گئے سعودی اماراتی منصوبہ کے خلاف متحد ہوجائیں۔

المیادین ٹی وی سے گفتگو کرتے ہوئے انہوں نے کہا کہ امریکی فوجی، جنگی ہتھیار، گاڑیاں اور بحری جنگی جہاز یمن کے مختلف علاقوں جیسے سقطری جزیرے میں داخل ہو رہی ہیں، القحوم کا کہنا تھا کہ ہم غیرملکی فوجیوں کے یمن پر قبضے اور ملک کی تقسیم کو ہر گز برداشت نہیں کریں گے۔

انہوں نے مزید کہا کہ امریکی ایک طرف جنگ بندی کی حمایت کا کھل کر اعلان کر رہے ہیں تو دوسری طرف اپنی دشمنانہ پالیساں بھی جاری رکھے ہوئے ہیں، وہ یمنی عوام کے خلاف ہیں، ہم اس جنگ کے خطرہ سے آگاہ ہیں اور تمام سامراجی فوجیوں کے انخلاء اور اپنے علاقے واپس لینے تک ہم جنگ کے لئے آمادہ ہیں۔

تحریک انصار اللہ کے رہنما کا کہنا تھا کہ غیرملکی کمپنیاں یمن کے قدرتی ذخائر کو لوٹ رہی ہیں، ہم اس معاملے میں خاموش نہیں بیٹھیں گے اور یمنی فوجیوں نے اپنی حالیہ پریڈ سے تمام غیرملکی قابض فوجیوں کو ایک کھلا پیغام دے دیا ہے۔