یمن نے امریکہ اور دیگر ظالم طاقتوں کی شان و شوکت کو خاک میں ملایا

سچ خبریں:  انصار اللہ کے سیاسی دفتر کے رکن محمد البخیتی نے غزہ کی حمایت اور فلسطین کے مقبوضہ علاقوں میں اہداف کو وسعت دینے کے لیے یمنی مسلح افواج کے عملیات جاری رکھنے پر زور دیا۔

انہوں نے واضح کیا کہ یمنی حملوں نے صہیونی ریژیم کی سلامتی کو نشانہ بنا کر اور بحر احمر میں اس پر محاصرہ مسلط کر کے اپنے مقاصد حاصل کر لیے ہیں۔

البخیتی نے کہا کہ امریکہ نے یمن میں شہریوں کو نشانہ بنانے کے بعد اپنی شکست تسلیم کر لی ہے۔ ہمارے عسکری اقدامات، ان قربانیوں کے باوجود، جاری رہیں گے۔ انہوں نے مزید کہا کہ امریکہ اور مغرب کی دیگر جابر و استعماری طاقتیں یمن میں اپنی ساکھ کھو چکی ہیں۔