یمنی ڈرون کے ذریعہ امریکی دفاعی ڈھال تباہ

?️ 22 نومبر 2022

سچ خبریں:یمن کے صوبہ حضرموت میں امریکی دفاعی ڈھال میں گھس کر یمنی ڈرونز نے مشرقی یمن کے اس علاقے سے تیل کی نئی کھیپ کی اسمگلنگ کو ناکام بنا دیا۔

الخبر الیمنی نیوز ایجنسی کی رپورٹ کے مطابق یمن کے مقامی ذرائع نے اعلان کیا ہے کہ اس ملک کے ڈرونز نے صوبہ حضرموت میں تیل برآمد کرنے والی اہم ترین بندرگاہوں میں سے ایک کو نشانہ بنایا اور اس علاقے سے مشرقی یمن میں تیل کی نئی کھیپ کو ناکام بنا دیا، یاد رہے کہ حالیہ ہفتوں میں یہ دوسرا حملہ ہے جس نے کامیابی سے اپنے اہداف حاصل کیے ہیں، جبکہ خطے میں بندرگاہوں اور تیل کی تنصیبات کی حفاظت کے لیے امریکی دفاعی نظام تعینات ہیں۔

ادھر بعض خبری ذرائع نے یمن کے مشرق میں واقع حضرموت میں دو دھماکوں کی اطلاع دی ہے، المیادین نیوز چینل نے اطلاع دی ہے کہ صوبہ حضرموت کے صدر مقام مکلا شہر کے مشرق میں واقع الضبہ بندرگاہ میں دو دھماکے ہوئے۔

اس بندرگاہ پر جارح سعودی اماراتی اتحاد کا قبضہ ہے، اس رپورٹ کے مطابق یہ دھماکے اسی وقت ہوئے جب تیل کا سامان لے جانے والا جہاز وہاں پہنچا، یونیوز خبر رساں ایجنسی سمیت بعض ذرائع نے بتایا کہ یہ دھماکے ڈرون حملوں کی وجہ سے ہوئے۔