سچ خبریں:سعودی جارح اتحاد کے ترجمان نے صنعا کے مختلف علاقوں پر فضائی حملوں کا حوالہ دیتے ہوئے بیلسٹک میزائلوں اور یو اے وی کے گوداموں اور ورکشاپوں کو تباہ کرنے کا دعویٰ کیا۔
عرب میڈیا نے جمعرات کی صبح خبر دی کہ سعودی جارح اتحاد نے یمنی دارالحکومت پر وحشیانہ فضائی حملے کیے ہیں جن میں سعودی اتحاد نے صنعا کے ہمدان، سنحان اور الثورہ کے علاقوں کے خلاف آپریشن کیا،درایں اثنا انصاراللہ کی نیوز ویب سائٹ نے علاقے سے رپورٹ دی ہے کہ سعودی جارح اتحاد نے صنعا کے ہمدان، سنحان اور الثورہ کے علاقوں کے خلاف آپریشن کیا ۔
العربیہ کے مطابق، سعودی جارح اتحاد نے ایک بیان میں دعویٰ کیا کہ یمن کی مزاحمت کے خطرے کے جواب میں ہم نے بیلسٹک میزائلوں اور ڈرونز سمیت ان کے جائز فوجی مقاصد کے خلاف بڑے پیمانے پر کارروائیاں کی ہیں۔
یادرہے کہ حالیہ مہینوں میں یمنی فوج اور عوامی کمیٹیوں نے مستعفی حکومت کے مرکز صوبہ مأرب کو آزاد کرانے کے لیے آپریشن کا ایک نیا دور شروع کیا ہے،قابل ذکر ہے کہ مأرب صوبہ اپنے تیل اور گیس کے وسائل سے مالا مال ہونے کی وجہ سے بہت زیادہ اقتصادی قدر کا حامل ہے، ماہرین کے مطابق اگر یہ صوبہ مکمل طور پر آزاد ہو جاتا ہے تو منصور ہادی کی حکومت اور یمن میں سعودی اتحاد کے خاتمے کا اعلان ہونا لازمی ہے۔
واضح رہے کہ یہ بدھ کے روز صنعا کی افواج کی جانب سے مأرب (صنعا کے مشرق میں) اور الحدیدہ (یمن کے مغرب میں واقع) میں پیش قدمی کی متعدد اطلاعات کے بعد، خبری ذرائع نے اطلاع دی کہ البلق الشرقی پہاڑی رینج، جو مأرب شہر کے قریب ہے، کو آزاد کرا لیا گیا ہے۔
