یمنی افواج کا یمن کے اسٹریٹجک مقامات پر قبضہ

?️ 28 جولائی 2021

سچ خبریں:یمنی فوج اور عوامی کمیٹیوں نے اس ملک کے تینوں صوبوں کے مابین کلیدی علاقوں میں منتقل ہوگئیں اور جنوبی مأرب میں حملہ آور اتحادی فوج کے آخری اڈے کو اپنے کنٹرول میں کرلیا۔
یمنی فوج اور عوامی کمیٹیاں صوبہ صنعا ، شبواہ اور مأرب (جنوبی اورتقریبا وسطی یمن میں) صوبوں کے مابین ان علاقوں میں آگے بڑھ رہی ہیں۔

درایں اثنا البیضا صوبے کے مقامی ذرائع نے وکالہ الصحافہ الیمنیہ کو بتایا کہ صنعا فورسز نے مشرقی البیضا صوبہ میں اتحادیوں کے ٹھکانوں کے خلاف بڑے پیمانے پر فوجی کاروائی کا آغاز کیا ، اس دوران وہ شبوہ اور مأرب کے متعدد اسٹریٹجک ٹھکانوں پر کنٹرول حاصل کرنے میں کامیاب ہوگئے۔

واضح رہے کہ دونوں اطراف کے مابین شدید لڑائی کے بعد صنعا افواج مأرب کے جنوب میں واقع شہر نعمان میں اتحادی افواج کا آخری مضبوط قلعہ ، الفقرا (جبل الفقرا) پہاڑوں کا کنٹرول حاصل کرنے میں کامیاب ہوگئیں، رپورٹ میں کہا گیا ہےکہ تاہم البیضا اور شبوہ صوبوں کے درمیان سرحدی علاقوں میں لڑائی میںصنعا فورسز صوبہ شبوہ میں بیحان اور العین شہروں میں واقع ناطع محاذکے نئے اسٹریٹجک اڈوں کا کنٹرول سنبھالنے میں کامیاب ہوگئیں۔

ذرائع نے زور دے کر کہا کہ صنعا فورسز ہبتہ چوراہے ، صباغ چوراہے اور الشبکہ اسٹریٹجک اڈہ پر مکمل کنٹرول حاصل کرنے میں کامیاب رہی، انہوں نے مزید کہا کہ جارحیت پسند اتحاد کی فوجیں شبوہ کے شہر عتیق کی طرف بیحان کے محور پر پیچھے ہٹ گئیں۔

واضح رہے کہ یہ کاروائی حالیہ دنوں میں صنعا فورسز کی جانب سے صوبہ البیضا کے مشرق میں واقع ناطق ، قرحی، الغلیلہ اور عقبہ ملح کے اسٹریٹجک علاقوں کو اپنے قبضے میں لینے کے بعد سامنے آئی ہے۔

قابل ذکر ہے کہ وسطی یمن میں البیضا فرنٹ میں یمنی فوج کی نئی حکمت عملی نے مستعفی حکومت سے وابستہ افواج کو چنے چبوادیے نیز ان کے متعدد اہلکار ہلاک بھی کیے ہیں۔