سچ خبریں:امریکی خارجہ پالیسی کے شعبے کے ایک سینئر اسٹریٹجسٹ کا کہنا ہے کہ یہ ملک روس اور چین کے ساتھ جنگ کے دہانے پر ہے۔
وال سٹریٹ جرنل نے اپنی ایک رپورٹ میں لکھا ہے کہ سینئر اسٹریٹجسٹ ہنری کسنجر کا خیال ہے کہ اس وقت دنیا ایک خطرناک موڑ پر کھڑی ہے، ان کا کہن اہے کہ ہم روس اور چین کے ساتھ جنگ کے دہانے پر ہیں، ان مسائل پر اختلاف کی وجہ سے جن کا ہمارے پاس کوئی وژن نہیں ہے کہ وہ کیسے ختم ہوں گے یا اس کے کیا نتائج ہوں گے، کیا امریکہ نکسن کے دور صدارت کی طرح ان دو حریفوں کے درمیان اختلافات پیدا کر کے اس بحران کو سنبھال سکتا ہے؟ کسنجر کے مطابق یہ کام آسان نہیں ہے۔
انہوں نے مزید کہا کہ اس وقت آپ یہ نہیں کہہ سکتے کہ ہم ان کے درمیان اختلاف ڈال کر انہیں ایک دوسرے سے الجھا دیں گے،صرف اتنا کیا جا سکتا ہے کہ کشیدگی گکو بڑھا نہ جائے اور کوئی حل نکالا جائے، اس کے لیے آپ کے پاس ایک مقصد ہونا چاہیے۔
امریکہ کے سابق وزیر خارجہ نے تائیوان کے مسئلہ میں کشیدگی کی شدت پر بھی تبصرہ کرتے ہوئے کہا ہے کہ انہیں تشویش ہے کہ امریکہ اور چین بحران کی طرف بڑھ رہے ہیں، انہوں نے کہا کہ دونوں فریقوں کی طرف سے بنائی گئی پالیسی نے تائیوان کو ایک خود مختار جمہوری وجود کی طرف گامزن کیا ہے، اس مسئلے نے چین اور امریکہ کے درمیان 50 سال سے امن قائم کر رکھا ہے اس لیے اس بنیادی ڈھانچے میں خلل ڈالنے والے اقدامات کرنے میں بہت محتاط رہنا چاہیے۔
