ہمارے میزائل 12 منٹ میں واشنگٹن کو مٹی کے ڈھیر میں بدل سکتے ہیں:روس کا دعوی

?️ 27 دسمبر 2021

سچ خبریں:روسی دفاعی امور کے ایک ماہر کا دعوی ہے کہ اس ملک کے پاس ایسے الٹرا سونک میزائل ہیں جو 12 منٹ میں امریکی دارالحکومت کو مٹی میں ملا سکتے ہیں۔
اسپوٹنک نیوز ایجنسی کی رپورٹ کے مطابق روس کے دفاعی امور کے ماہر لیوانکوف نے اپنے ملک کی میزائل توانائی کی جانب اشارہ کرتے ہوئے بتایا اس ملک کا سوپر الٹرا سونک میزائل صرف 12 منٹ میں واشنگٹن پہنچ کر اسے نیست و نابود کر سکتا ہے،رپورٹ کے مطابق روس کے دفاعی امور کے ماہر کہنا ہے کہ ماسکو کے پاس ایسے الڑا سونک میزائل موجود ہیں جو صرف 12 منٹ میں امریکا کے دار الحکومت پہنچ سکتے ہیں،ان کے مطابق روس کے میزائل، واشنگٹن کو مٹی میں ملانے کی توانائی رکھتے ہیں۔

روس کے دفاعی امور کے ماہر کے مطابق ان میزائلوں کی ایک خصوصیت یہ ہے کہ امریکا کے پاس ان کو روکنے کا وقت بھی نہيں ہوگا،انہوں نے کہا کہ جب تک امریکا اپنی حفاظت کے لئے کچھ کرے گا، اس سے پہلے وہ تباہ ہو چکا ہوگا کیونکہ امریکا اب تک روس کی سوپر سونک میزائلوں کو انٹر سپٹ کرنے یا ان کو تباہ کرنے کی توانائی حاصل نہیں کر سکا ہے۔

لیوانکوف نے کہا کہ جب روس کے پاس ایسا میزائل ہے جو کچھ ہی منٹ میں امریکا پہنچ سکتا ہے تو ایسے میں وائٹ ہاوس سے نزدیک ہونے کے لئے روس کے ہتھیاروں کو کیوبا بھیجنا ایک تاریخی غلطی ہے،انہوں نے کہا کہ امریکا کا مقابلہ کرنے کے لئے بنیادی ڈھانچے کی تعمیر اور اپنے ہتھیاروں کو کیوبا منتقل کرنا میرے حساب سے غلط اقدام ہے۔