ہمارے میزائلوں کی درستگی اور طاقت ہر روز بڑھ رہی ہے:الحوثی

?️ 30 جون 2022

سچ خبریں:یمن کی انصاراللہ تحریک کے سربراہ نے اعلان کیا کہ ہمارے عوام کی مزاحمت اور استقامت نے دشمن کو مایوس کیا اور مختلف ممالک اس مزاحمت سے حیران رہ گئے۔
المسیرہ چینل کی رپورٹ کے مطابق یمن کی انصاراللہ تحریک کے سربراہ سید عبدالملک الحوثی نے تاکید کی ہے کہ سعودی امریکی اتحاد کی جارحیت کے آٹھویں سال میں ہم مشکل مراحل اور چیلنجوں سے گزر چکے ہیں۔

انہوں نے مزید کہا کہ صوبہ حجہ نے روز اول سے ہی جارحیت کے خلاف جنگ میں ایک عظیم اور فیصلہ کن کردار ادا کیا اور وطن کے دفاع میں ایک ہزار شہداء کی قربانیاں دیں،عبدالمالک الحوثی نے زور دے کر کہا کہ دشمنوں کو امید تھی کہ ہمارے عوام حملوں کی بھاری مقدار کی وجہ سے الجھن کا شکار ہو جائیں گے، لیکن وہ یمنی باشعور عوام کے اور غرمنتظر ردعمل سے حیران رہ گئے۔

الحوثی نے کہا کسی بھی قوم کا ردعمل ایمان، مزاحمت، استقامت، جوش، حمایت اور بلند حوصلے سے پیدا ہوتا ہے،انہوں نے مزید کہا کہ دشمن محاصرے کے ذریعے عوام کو مشتعل کرنا چاہتے تھے اور اپنے رد عمل کو اندر ہی اندر پہنچانا چاہتے تھے، لیکن دشمن کو پروپیگنڈہ جنگ میں فتنہ بھڑکانے کی تمام طرح کی سازشوں کے ساتھ شکست ہوئی اور عوامی بیداری کی سطح کو دیکھ کر وہ حیران رہ گیا۔

الحوثی نے کہا کہ ہم نے ایک طویل سفر طے کیا ہے اور انشاء اللہ ہم بقیہ راستے کا سفر کر لیں گے۔