ہمارا ہاتھ ابھی ٹریگیر پر ہے:فلسطینی مجاہدین کا صیہونیوں سے خطاب

?️ 15 اکتوبر 2022

سچ خبریں:غزہ کی پٹی میں فلسطینی مزاحمتی گروپوں کے مشترکہ آپریشن روم کے ایک ترجمان نے یہ کہتے ہوئے کہ ہم قدس اور فلسطین کی فوج ہیں اور ہمارا ہاتھ ہمیشہ ٹریگیر پر ہوتا ہے، یروشلم، مغربی کنارے اور مقبوضہ علاقوں کے باشندوں سے 1948 کے مقدس مقامات کے خلاف صیہونی حکومت کی جارحیت کا جواب دینے کا مطالبہ کیا۔

العربی الجدید نیوز سائٹ کی رپورٹ کے مطابق غزہ کی پٹی میں فلسطینی مزاحمتی گروپوں کے مشترکہ آپریشن روم کے ایک ترجمان نے جمعہ کی شب غزہ میں منعقدہ پریس کانفرنس میں فلسطین کے مختلف علاقوں کے باشندوں سے صیہونی حکومت کو ناقابل فراموش سبق سکھانے کا مطالبہ کیا۔

انہوں نے کہا کہ غزہ میں فلسطینی مزاحمت اپنے مشترکہ آپریشن روم کے ذریعے آج بھی فلسطینی قوم کے لیےقابل بھروسہ ہے نیز یہ القدس، مسجد اقصیٰ جیسے مقدس مقامات کے لیے ایک مضبوط قلعہ، ایک مضبوط سہارا اور ڈھال کی طرح ہے اور رہے گی نیز اس کے لیے پرعزم اور وفادار رہے گی۔

فلسطینی عہدیدار نے تاکید کی کہ ہم قدس اور فلسطین کی فوج ہیں، ہمارا نقطہ نظر واضح ہے، ہمارا ہتھیار ہمیشہ تیار ہے اور ہمارا ہاتھ ٹریگر پر ہے،غزہ میں مزاحمتی گروپوں کے مشترکہ آپریشن روم کے ترجمان نے مغربی کنارے اور یروشلم میں صیہونی فوجیوں اور آبادکاروں کے خلاف فائرنگ نیز پورے فلسطین میں صیہونی فوجیوں کے تعاقب کی تعریف کی۔

انہوں نے صیہونی حکومت کے زوال کو بھی قریب قرار دیا اور کہا کہ مسجد الاقصی کو نقصان پہنچنا، بیت المقدس کے باشندوں کے خلاف دشمن کے جرائم میں اضافہ اور جھوٹے بہانوں سے ہماری قوم کے مقدس مقامات کی بے حرمتی اس مسئلے کی نشاندہی کرتی ہے۔